Ráðist á leikmann PSG

Ráðist var á Elohim Prandi og hann var stunginn mörgum sinnum í árás á nýársnótt. Þetta kemur fram í frétt á heimasíðu liðsins. Hann er ekki talinn í lífshættu en árásin er samt sem áður talin mjög alvarleg. PSG hefur fordæmt árásina.

Lögreglan í París hefur ekki tjáð sig um árásina sem átti sér stað í áttunda hverfi borgarinnar og voru mörg vitni að atvikinu samkvæmt frétt Le Parisien. Prandi hefur verið dreginn úr franska hópnum fyrir evrópumeistaramótið í handbolta sem fer af stað þann 13. janúar næstkomandi.