Erlent

Enn lengist fangelsisdómur Aung San Suu Kyi

Gunnar Reynir Valþórsson skrifar
Aung San Suu Kyi á enn yfir höfði sér ákærur fyrir ýmis brot og gæti setið uppi með lífstíðardóm.
Aung San Suu Kyi á enn yfir höfði sér ákærur fyrir ýmis brot og gæti setið uppi með lífstíðardóm. AP/Peter Dejong

Dómstóll í Myanmar hefur úrskurðað fyrrverandi leiðtoga landsins Aung San Suu Kyi í fjögurra ára fangelsi. Suu Kyi var meðal annars sakfelld fyrir að flytja inn og notast við ólöglegar talstöðvar og fyrir að brjóta gegn reglum í kórónuveirufaraldrinum.

Þetta er í annað sinn á skömmum tíma sem hún er dæmd til fangelsisvistar en í desember fékk hún tveggja ára dóm og á enn yfir höfði sér fleiri ákærur. 

Suu Kyi hefur verið í haldi síðan í febrúar á síðasta ári, þegar herinn í Mjanmar tók þar öll völd. 

Talið er að Suu Kyi gæti átt yfir höfði sér lífstíðarfangelsi verði hún fundin sek í öllum ákæruliðum. Málareksturinn gegn henni hefur víða verið fordæmdur og til að mynda hefur Michelle Bachelet, yfirmaður mannréttindamála hjá Sameinuðu þjóðunum, talað um sýndarréttarhöld.

Mjanmar Mannréttindi

Mest lesið


Fleiri fréttir

Sjá meira


×

Mest lesið