Menning

Gríski mynd­listar­maðurinn Alekos Fassianos er látinn

Atli Ísleifsson skrifar
Alekos Fassianos naut mikilla vinsælda í Grikklandi og víðar og var hann oft kallaður „Picasso Grikklands“.
Alekos Fassianos naut mikilla vinsælda í Grikklandi og víðar og var hann oft kallaður „Picasso Grikklands“. AP

Gríski myndlistarmaðurinn Alekos Fassianos er látinn 86 ára að aldri. Hann lést á heimili sínu fyrir utan Aþenu í gær.

Fassianos var mjög vinsæll í Grikklandi en hann leitaði innblásturs meðal annars í grískri goðafræði og þjóðsögum, að því er segir í frétt DW.

Andi Ólympíumeistara eftir Fassianos frá árinu 2001.Wikipedia Commons

Fassianos var oft líkt við meistara á borð við Henri Matisse og Pablo Picasso. Sagðist Fassianos dást að þeim báðum en sagðist þó feta eigin slóð við listsköpun sína.

Eftir að hafa stundað nám í steinprentun við École des Beaux-Arts í París þróaði Fassianos sinn eigin stíl á sjöunda áratugnum og má meðal annars sjá verk hans á Musée d’Art Moderne í Paris og Listasafni Grikklands í Aþenu. 

Sömuleiðis má sjá vegglistaverk eftir Fassianos á Metaxourgeio-neðanjarðarlestastöðinni í Aþenu.

Fassianos lætur eftir sig eiginkonuna Marizu og tvær dætur.

Grikkland Andlát Myndlist


Mest lesið


Fleiri fréttir

Sjá meira


×

Mest lesið


Tarot dagsins

Dragðu spil og sjáðu hvaða spádóm það geymir.