Bríet samdi lag um Tenerife

Flestir Íslendingar, allavega þeir sólarþyrstu, ættu að kannast við eyjuna spænsku. Eyjan er vinsælasti áfangastaður flugfélagsins Play þessa stundina og Heimsferðir hafa nær aldrei selt jafnmargar ferðir til Tenerife og í fyrra.

Lag tvíeykisins er óður til Tenerife: „Það er dimmt, það er kalt ég er þunglyndur. Ég get ekki meira Þórólfur. Ég þarf bara að komast burt, en hvert skal fara þegar stórt er spurt,“ syngur Bríet í laginu.

Strákarnir í FM95BLÖ voru virkilega ánægðir með lagið en Egill Einarsson, fyrirliði þáttarins, er nýkominn heim frá Tenerife eftir að hafa verið þar í tæplega mánuð. Bríet skýtur einmitt létt á fyrirliðann og syngur: „Guð minn góður hvaða dagur er í dag? Hversu oft er ég búin að framlengja?“

Lagið má hlusta á hér að neðan.