Fylgist með þessum í ítalska boltanum Ingvi Þór Sæmundsson skrifar 12. febrúar 2022 11:00 Margir spennandi leikmenn spila í ítölsku úrvalsdeildinni. vísir/getty Í tilefni af því að ítalski boltinn er kominn heim, á Stöð 2 Sport, fer Vísir yfir tíu leikmenn sem fótboltaáhugafólk ætti að fylgjast með í ítölsku úrvalsdeildinni. Dusan Vlahovic, framherji Juventus Dusan Vlahovic spilar í treyju númer sjö hjá Juventus, sem Cristiano Ronaldo var síðast í.getty/Daniele Badolato Juventus vann kapphlaupið um einn eftirsóttasta framherja heims, Dusan Vlahovic, í síðasta mánuði. Gamla frúin greiddi Fiorentina sjötíu milljónir evra fyrir Serbann sem skrifaði undir fjögurra og hálfs árs samning við Juventus á 22 ára afmælisdaginn sinn. Vlahovic var fjórði markahæsti leikmaður ítölsku úrvalsdeildarinnar á síðasta tímabili með 21 mark. Hann hefur haldið uppteknum hætti í vetur, skoraði sautján mörk fyrir Fiorentina og var að sjálfsögðu á skotskónum í fyrsta leik sínum fyrir Juventus, 2-0 sigri á Hellas Verona. Mörkin eiga eftir að verða mun fleiri, hæfileikarnir eru slíkir. Juventus hefur líka góða reynslu af leikmönnum frá Fiorentina, meðal annars Roberto Baggio og Federico Chiesa. Rafael Leao Rafael Leao lék sína fyrstu landsleiki fyrir Portúgal síðasta haust.getty/Sportinfoto Rafael Leao er ekki þekktasti framherjinn í leikmannahópi AC Milan en hann er búinn að vera sá besti í vetur. Portúgalinn kom til Milan frá Lille sumarið 2019 fyrir aðeins 23 milljónir evra og hefur orðið betri með hverju tímabilinu í Mílanó-borg. Hann skoraði sex deildarmörk tímabilin 2019-20 og 2020-21 og er þegar búinn að jafna þann markafjölda í vetur. Auk þess hefur Leao lagt upp þrjú mörk. Afar beinskeyttur, snöggur og síógnandi leikmaður. Með aðeins meiri stöðugleika getur hann komist í fremstu röð. Giacomo Raspadori Giacomo Raspadori var valinn besti leikmaður janúar-mánaðar í ítölsku úrvalsdeildinni.getty/Emmanuele Ciancaglini Giacomo Raspadori var yngsti leikmaðurinn í Evrópumeistaraliði Ítalíu og kom við sögu í einum leik á mótinu. Það virðist hafa gefið honum vítamínssprautu. Raspadori skoraði sex deildarmörk á síðasta tímabili og þegar búinn að toppa það í vetur. Auk markanna sjö hefur hann gefið fjórar stoðsendingar. Einn mest spennandi leikmaður ítölsku deildarinnar og er í lykilhlutverki í stórskemmtilegu liði Sassuolo. Líður best fyrir aftan fremsta mann og minnir um margt á Antonio Cassano og Sebastian Giovinco. Giovanni Simeone, framherji Verona Giovanni Simeone er þriðji markahæstur í ítölsku úrvalsdeildinni á tímabilinu.getty/Alessandro Sabattini Greyið Giovanni Simeone má varla stíga inn á völlinn án þess að faðir hans, Diego, sé nefndur í sömu andrá. Giovanni þarf að gefa verulega í ef hann á að vera jafn góður og pabbinn en hann er hörkuleikmaður og þetta tímabil er hans langbesta á ferlinum. Simeone náði sér ekki á strik með Cagliari á síðasta tímabili og var lánaður til Hellas Verona í sumar. Og hann hefur blómstrað í borg þeirra Rómeos og Júlíu. Simeone er þriðji markahæstur í ítölsku úrvalsdeildinni með tólf mörk og þarf aðeins tvö mörk til viðbótar til að jafna mesta markafjölda sinn á tímabili í ítölsku úrvalsdeildinni. El Cholito hefur ekki leikið með argentínska landsliðinu síðan 2018 en hlýtur að gera tilkall í HM-hóp Argentínu. Joao Pedro, framherji Cagliari Joao Pedro er fyrirliði Cagliari.getty/Luigi Canu Fáir leikmenn í ítölsku úrvalsdeildinni eru mikilvægari fyrir sitt lið en Joao Pedro fyrir Cagliari. Sardiníuliðið hefur skorað 24 deildarmörk á tímabilinu og Joao Pedro hefur komið með beinum hætti að fjórtán þeirra, skorað tíu og lagt upp fjögur. Án framlags hans væri Cagliari í sannkölluðum skítamálum. Joao Pedro hefur leikið með Cagliari frá 2014 og er fjórði markahæstur í sögu félagsins. Undanfarin þrjú tímabil hefur Joao Pedro skorað samtals 44 mörk í ítölsku úrvalsdeildinni. Hann var valinn í ítalska landsliðið í síðasta mánuði. Joao Pedro er Brasilíumaður en fékk ítalskan ríkisborgararétt 2017. Lorenzo Pellegrini Lorenzo Pellegrini hefur tvisvar sinnum skorað mark mánaðarins í ítölsku úrvalsdeildinni.getty/Paolo Bruno Lorenzo Pellegrini er Rómverji í húð og hár. Hann er uppalinn hjá Roma en var seldur til Sassuolo 2015. Roma setti þó endursöluákvæði í samning Pellegrinis og nýtti sér það tveimur árum seinna. José Mourinho gerði Pellegrini að fyrirliða Roma og það virðist hafa valdeflt hann. Hann hefur verið besti leikmaður liðsins á tímabilinu og er búinn að skora níu mörk í öllum keppnum. Pellegrini missti af Evrópumótinu vegna meiðsla en sneri aftur í ítalska landsliðið í haust. Hefur leikið tuttugu landsleiki og skorað þrjú mörk. Pellegrini var með óreglulegan hjartslátt á sínum yngri árum en það hefur ekki háð honum á fullorðinsárum. Alessandro Bastoni Alessandro Bastoni býr yfir mikilli reynslu þrátt fyrir að vera aðeins 22 ára.getty/Giuseppe Bellini Alessandro Bastoni er frá Langbarðalandi og er einn fjölmargra góðra leikmanna sem hafa komið úr unglingastarfi Atalanta. Inter keypti hann 2017 en lánaði hann strax aftur til Atalanta og svo til Parma. Undanfarin þrjú tímabil hefur Bastoni verið í stóru hlutverki hjá Inter og varð ítalskur meistari með liðinu í fyrra. Ítalir framleiða ekki jafn marga góða varnarmenn og áður en Bastoni sver sig í ætt við varnarhetjur liðinna ára. Ofan á það er hann afar vel spilandi og með frábæran vinstri fót. Bastoni spilar jafnan vinstra megin í þriggja manna vörn Inter. Hefur leikið níu landsleiki og var í Evrópumeistaraliði Ítala í fyrra. Gianluca Scamacca Gianluca Scamacca er engin smásmíði og telur 1,95 metra.getty/Francesco Scaccianoce Tveir af bestu ungu framherjum Ítalíu leika með Sassuolo, áðurnefndur Raspadori og Gianluca Scamacca. Sá síðarnefndi er uppalinn hjá Lazio og Roma en fór ungur til PSV Eindhoven í Hollandi. Sassuolo keypti Scamacca 2017 og lánaði hann víða næstu árin. Á síðasta tímabili lék hann vel með Genoa og skoraði átta mörk í ítölsku deildinni. Scamacca fékk svo loks tækifæri með Sassuolo í vetur og hefur nýtt það stórvel. Þessi stóri og stæðilegi framherji og er kominn með níu deildarmörk þrátt fyrir að hafa aðeins þrettán sinnum verið í byrjunarliði Sassuolo. Scamacca, sem er fæddur á nýársdag 1999, lék sína fyrstu landsleiki síðasta haust. Helsta fyrirmynd Scamaccas er Zlatan og hann hefur verið kallaður hinn ítalski Ibrahimovic. Theo Hernández Theo Hernandez og félagar í AC Milan eru í harðri baráttu um ítalska meistaratitilinn.getty/fabrizio carabelli Theo Hernandez er einn af lykilmönnunum í upprisu AC Milan undanfarin ár. Milan keypti hann frá Real Madrid sumarið 2019 fyrir aðeins tuttugu milljónir evra. Sú fjárfesting hefur borgað sig. Undanfarin þrjú tímabil hefur Hernandez skilað tölum sem hvaða miðjumaður væri stoltur af. Samtals hefur hann skorað sautján mörk og gefið þrettán stoðsendingar í 83 deildarleikjum fyrir Milan. Hernandez kemur úr mikilli fótboltafjölskyldu. Faðir hans, Jean-Francois, lék í Frakklandi og á Spáni og eldri bróðir hans, Lucas, leikur með Bayern München og franska landsliðinu. Hernandez þurfti að bíða nokkuð lengi eftir að fá tækifæri með franska landsliðinu en fékk það loks síðasta haust. Hann skoraði meðal annars sigurmark Frakka í 3-2 sigri á Belgum í undanúrslitum Þjóðadeildarinnar. Ítalski boltinn Mest lesið Guðmundur miður sín eftir stórtap: „Eitt það versta sem ég hef upplifað lengi“ Handbolti Ósætti við úrelta löggjöf: „Sennilega eina þjóðin eftir í heiminum“ Sport „Vil miklu frekar eiga feril í MMA heldur en að vinna skrifstofustarf“ Sport Tyson segist ekki berjast vegna peninganna Sport Víkingar spila á Íslandi í dagsbirtu Fótbolti Tekur með sér lifrarpylsu, grjónagraut og sviðasultu í bakgarðshlaupið Sport Aðeins einn löglegur dúkur svo Valur og FH byrja saman í Krikanum Handbolti „Ein besta markvarsla sem ég hef séð“ Fótbolti Óttast um öryggi fjölskyldunnar og neyðist til að flytja Sport Alexander-Arnold reynir að kaupa Nantes Enski boltinn Fleiri fréttir Alexander-Arnold reynir að kaupa Nantes Segir að Saliba og Gabriel séu besta miðvarðapar í Evrópu Víkingar spila á Íslandi í dagsbirtu Viðurkennir að hafa sleppt því að spjalda Messi til að fá treyjuna hans Sjáðu ótrúlega vörslu Raya og öll mörkin úr Meistaradeildinni Segir Leipzig hinn fullkomna áfangastað fyrir unga og efnilega leikmenn Seinna spjaldið var ekki viljandi: „Er bara pirraður og missi hausinn“ „Ein besta markvarsla sem ég hef séð“ Atlético lagði sprækt lið Leipzig Rautt spjald snemma leiks dýrt spaug fyrir Börsunga Raya hetjan er Skytturnar lögðu rútunni í Bergamo Benfica og Leverkusen byrja á sterkum útisigrum Uppgjörið: Afturelding - Fjölnir 3-1 | Brenndu víti en tóku tveggja marka forystu Úlfur Ágúst orðaður við Messi og félaga á Miami Sparkað eftir tapið rosalega gegn Bayern Trompaðist eftir misheppnaða hælsendingu í dauðafæri: „Nei! Nei! Nei!“ Húbba Búbba kippt af dagskrá: „Það eina sem ég spila í Víkinni er fótbolti“ Með tvær ferðatöskur af fíkniefnum Haaland neitaði að gefa Acerbi treyjuna sína eftir að hann hafði ítrekað togað í hana Næstu mótherjar Íslands mun ofar á heimslista Fannst stemningin á Etihad steindauð Eftirsjá Gary Martin: „Mín skoðun, fólk mun ekki vera sammála henni“ Hafi snúist hugur og vilji nú fara til Liverpool Utan vallar: Total-fótboltamaðurinn sem rétti Blikakúrsinn Sjáðu öll mörkin og ævintýralegt klúður Gazzaniga Segir að hann myndi kýla netníðingana í nefið ef þeir stæðu fyrir framan hann „Ég á Íslandi líf mitt að þakka“ Arteta með vondar fréttir af meiðslum Ødegaards Stúkan: „Sama hvað hann gerir ekki gefa honum gult spjald“ Stjarnan í vondum málum eftir tap í Írlandi Sjá meira
Dusan Vlahovic, framherji Juventus Dusan Vlahovic spilar í treyju númer sjö hjá Juventus, sem Cristiano Ronaldo var síðast í.getty/Daniele Badolato Juventus vann kapphlaupið um einn eftirsóttasta framherja heims, Dusan Vlahovic, í síðasta mánuði. Gamla frúin greiddi Fiorentina sjötíu milljónir evra fyrir Serbann sem skrifaði undir fjögurra og hálfs árs samning við Juventus á 22 ára afmælisdaginn sinn. Vlahovic var fjórði markahæsti leikmaður ítölsku úrvalsdeildarinnar á síðasta tímabili með 21 mark. Hann hefur haldið uppteknum hætti í vetur, skoraði sautján mörk fyrir Fiorentina og var að sjálfsögðu á skotskónum í fyrsta leik sínum fyrir Juventus, 2-0 sigri á Hellas Verona. Mörkin eiga eftir að verða mun fleiri, hæfileikarnir eru slíkir. Juventus hefur líka góða reynslu af leikmönnum frá Fiorentina, meðal annars Roberto Baggio og Federico Chiesa. Rafael Leao Rafael Leao lék sína fyrstu landsleiki fyrir Portúgal síðasta haust.getty/Sportinfoto Rafael Leao er ekki þekktasti framherjinn í leikmannahópi AC Milan en hann er búinn að vera sá besti í vetur. Portúgalinn kom til Milan frá Lille sumarið 2019 fyrir aðeins 23 milljónir evra og hefur orðið betri með hverju tímabilinu í Mílanó-borg. Hann skoraði sex deildarmörk tímabilin 2019-20 og 2020-21 og er þegar búinn að jafna þann markafjölda í vetur. Auk þess hefur Leao lagt upp þrjú mörk. Afar beinskeyttur, snöggur og síógnandi leikmaður. Með aðeins meiri stöðugleika getur hann komist í fremstu röð. Giacomo Raspadori Giacomo Raspadori var valinn besti leikmaður janúar-mánaðar í ítölsku úrvalsdeildinni.getty/Emmanuele Ciancaglini Giacomo Raspadori var yngsti leikmaðurinn í Evrópumeistaraliði Ítalíu og kom við sögu í einum leik á mótinu. Það virðist hafa gefið honum vítamínssprautu. Raspadori skoraði sex deildarmörk á síðasta tímabili og þegar búinn að toppa það í vetur. Auk markanna sjö hefur hann gefið fjórar stoðsendingar. Einn mest spennandi leikmaður ítölsku deildarinnar og er í lykilhlutverki í stórskemmtilegu liði Sassuolo. Líður best fyrir aftan fremsta mann og minnir um margt á Antonio Cassano og Sebastian Giovinco. Giovanni Simeone, framherji Verona Giovanni Simeone er þriðji markahæstur í ítölsku úrvalsdeildinni á tímabilinu.getty/Alessandro Sabattini Greyið Giovanni Simeone má varla stíga inn á völlinn án þess að faðir hans, Diego, sé nefndur í sömu andrá. Giovanni þarf að gefa verulega í ef hann á að vera jafn góður og pabbinn en hann er hörkuleikmaður og þetta tímabil er hans langbesta á ferlinum. Simeone náði sér ekki á strik með Cagliari á síðasta tímabili og var lánaður til Hellas Verona í sumar. Og hann hefur blómstrað í borg þeirra Rómeos og Júlíu. Simeone er þriðji markahæstur í ítölsku úrvalsdeildinni með tólf mörk og þarf aðeins tvö mörk til viðbótar til að jafna mesta markafjölda sinn á tímabili í ítölsku úrvalsdeildinni. El Cholito hefur ekki leikið með argentínska landsliðinu síðan 2018 en hlýtur að gera tilkall í HM-hóp Argentínu. Joao Pedro, framherji Cagliari Joao Pedro er fyrirliði Cagliari.getty/Luigi Canu Fáir leikmenn í ítölsku úrvalsdeildinni eru mikilvægari fyrir sitt lið en Joao Pedro fyrir Cagliari. Sardiníuliðið hefur skorað 24 deildarmörk á tímabilinu og Joao Pedro hefur komið með beinum hætti að fjórtán þeirra, skorað tíu og lagt upp fjögur. Án framlags hans væri Cagliari í sannkölluðum skítamálum. Joao Pedro hefur leikið með Cagliari frá 2014 og er fjórði markahæstur í sögu félagsins. Undanfarin þrjú tímabil hefur Joao Pedro skorað samtals 44 mörk í ítölsku úrvalsdeildinni. Hann var valinn í ítalska landsliðið í síðasta mánuði. Joao Pedro er Brasilíumaður en fékk ítalskan ríkisborgararétt 2017. Lorenzo Pellegrini Lorenzo Pellegrini hefur tvisvar sinnum skorað mark mánaðarins í ítölsku úrvalsdeildinni.getty/Paolo Bruno Lorenzo Pellegrini er Rómverji í húð og hár. Hann er uppalinn hjá Roma en var seldur til Sassuolo 2015. Roma setti þó endursöluákvæði í samning Pellegrinis og nýtti sér það tveimur árum seinna. José Mourinho gerði Pellegrini að fyrirliða Roma og það virðist hafa valdeflt hann. Hann hefur verið besti leikmaður liðsins á tímabilinu og er búinn að skora níu mörk í öllum keppnum. Pellegrini missti af Evrópumótinu vegna meiðsla en sneri aftur í ítalska landsliðið í haust. Hefur leikið tuttugu landsleiki og skorað þrjú mörk. Pellegrini var með óreglulegan hjartslátt á sínum yngri árum en það hefur ekki háð honum á fullorðinsárum. Alessandro Bastoni Alessandro Bastoni býr yfir mikilli reynslu þrátt fyrir að vera aðeins 22 ára.getty/Giuseppe Bellini Alessandro Bastoni er frá Langbarðalandi og er einn fjölmargra góðra leikmanna sem hafa komið úr unglingastarfi Atalanta. Inter keypti hann 2017 en lánaði hann strax aftur til Atalanta og svo til Parma. Undanfarin þrjú tímabil hefur Bastoni verið í stóru hlutverki hjá Inter og varð ítalskur meistari með liðinu í fyrra. Ítalir framleiða ekki jafn marga góða varnarmenn og áður en Bastoni sver sig í ætt við varnarhetjur liðinna ára. Ofan á það er hann afar vel spilandi og með frábæran vinstri fót. Bastoni spilar jafnan vinstra megin í þriggja manna vörn Inter. Hefur leikið níu landsleiki og var í Evrópumeistaraliði Ítala í fyrra. Gianluca Scamacca Gianluca Scamacca er engin smásmíði og telur 1,95 metra.getty/Francesco Scaccianoce Tveir af bestu ungu framherjum Ítalíu leika með Sassuolo, áðurnefndur Raspadori og Gianluca Scamacca. Sá síðarnefndi er uppalinn hjá Lazio og Roma en fór ungur til PSV Eindhoven í Hollandi. Sassuolo keypti Scamacca 2017 og lánaði hann víða næstu árin. Á síðasta tímabili lék hann vel með Genoa og skoraði átta mörk í ítölsku deildinni. Scamacca fékk svo loks tækifæri með Sassuolo í vetur og hefur nýtt það stórvel. Þessi stóri og stæðilegi framherji og er kominn með níu deildarmörk þrátt fyrir að hafa aðeins þrettán sinnum verið í byrjunarliði Sassuolo. Scamacca, sem er fæddur á nýársdag 1999, lék sína fyrstu landsleiki síðasta haust. Helsta fyrirmynd Scamaccas er Zlatan og hann hefur verið kallaður hinn ítalski Ibrahimovic. Theo Hernández Theo Hernandez og félagar í AC Milan eru í harðri baráttu um ítalska meistaratitilinn.getty/fabrizio carabelli Theo Hernandez er einn af lykilmönnunum í upprisu AC Milan undanfarin ár. Milan keypti hann frá Real Madrid sumarið 2019 fyrir aðeins tuttugu milljónir evra. Sú fjárfesting hefur borgað sig. Undanfarin þrjú tímabil hefur Hernandez skilað tölum sem hvaða miðjumaður væri stoltur af. Samtals hefur hann skorað sautján mörk og gefið þrettán stoðsendingar í 83 deildarleikjum fyrir Milan. Hernandez kemur úr mikilli fótboltafjölskyldu. Faðir hans, Jean-Francois, lék í Frakklandi og á Spáni og eldri bróðir hans, Lucas, leikur með Bayern München og franska landsliðinu. Hernandez þurfti að bíða nokkuð lengi eftir að fá tækifæri með franska landsliðinu en fékk það loks síðasta haust. Hann skoraði meðal annars sigurmark Frakka í 3-2 sigri á Belgum í undanúrslitum Þjóðadeildarinnar.
Ítalski boltinn Mest lesið Guðmundur miður sín eftir stórtap: „Eitt það versta sem ég hef upplifað lengi“ Handbolti Ósætti við úrelta löggjöf: „Sennilega eina þjóðin eftir í heiminum“ Sport „Vil miklu frekar eiga feril í MMA heldur en að vinna skrifstofustarf“ Sport Tyson segist ekki berjast vegna peninganna Sport Víkingar spila á Íslandi í dagsbirtu Fótbolti Tekur með sér lifrarpylsu, grjónagraut og sviðasultu í bakgarðshlaupið Sport Aðeins einn löglegur dúkur svo Valur og FH byrja saman í Krikanum Handbolti „Ein besta markvarsla sem ég hef séð“ Fótbolti Óttast um öryggi fjölskyldunnar og neyðist til að flytja Sport Alexander-Arnold reynir að kaupa Nantes Enski boltinn Fleiri fréttir Alexander-Arnold reynir að kaupa Nantes Segir að Saliba og Gabriel séu besta miðvarðapar í Evrópu Víkingar spila á Íslandi í dagsbirtu Viðurkennir að hafa sleppt því að spjalda Messi til að fá treyjuna hans Sjáðu ótrúlega vörslu Raya og öll mörkin úr Meistaradeildinni Segir Leipzig hinn fullkomna áfangastað fyrir unga og efnilega leikmenn Seinna spjaldið var ekki viljandi: „Er bara pirraður og missi hausinn“ „Ein besta markvarsla sem ég hef séð“ Atlético lagði sprækt lið Leipzig Rautt spjald snemma leiks dýrt spaug fyrir Börsunga Raya hetjan er Skytturnar lögðu rútunni í Bergamo Benfica og Leverkusen byrja á sterkum útisigrum Uppgjörið: Afturelding - Fjölnir 3-1 | Brenndu víti en tóku tveggja marka forystu Úlfur Ágúst orðaður við Messi og félaga á Miami Sparkað eftir tapið rosalega gegn Bayern Trompaðist eftir misheppnaða hælsendingu í dauðafæri: „Nei! Nei! Nei!“ Húbba Búbba kippt af dagskrá: „Það eina sem ég spila í Víkinni er fótbolti“ Með tvær ferðatöskur af fíkniefnum Haaland neitaði að gefa Acerbi treyjuna sína eftir að hann hafði ítrekað togað í hana Næstu mótherjar Íslands mun ofar á heimslista Fannst stemningin á Etihad steindauð Eftirsjá Gary Martin: „Mín skoðun, fólk mun ekki vera sammála henni“ Hafi snúist hugur og vilji nú fara til Liverpool Utan vallar: Total-fótboltamaðurinn sem rétti Blikakúrsinn Sjáðu öll mörkin og ævintýralegt klúður Gazzaniga Segir að hann myndi kýla netníðingana í nefið ef þeir stæðu fyrir framan hann „Ég á Íslandi líf mitt að þakka“ Arteta með vondar fréttir af meiðslum Ødegaards Stúkan: „Sama hvað hann gerir ekki gefa honum gult spjald“ Stjarnan í vondum málum eftir tap í Írlandi Sjá meira