Svona hefur ómíkron herjað á starfsfólk Landspítala

Kristín Ólafsdóttir skrifar 18. febrúar 2022 11:01

Frá bráðamóttökunni í Fossvogi, þar sem 59 starfsmenn hafa smitast frá 15. desember til 16. febrúar. Vísir/vilhelm

Rúmlega tuttugu prósent starfsmanna hafa smitast af kórónuveirunni síðustu tvo mánuði. Þegar litið er á skiptingu eftir starfsstéttum og deildum hafa flest smitanna komið upp meðal hjúkrunarfræðinga og á bráðamóttöku.

342 starfsmenn Landspítala voru í einangrun í gær og eru 409 í dag. Þeir hafa þar með aldrei verið fleiri. Af um sex þúsund starfsmönnum spítalans hafa 1.436 smitast síðustu tvo mánuði, þ.e. frá 15. desember til 16. febrúar.

En hvaða starfsmenn hafa aðallega verið að smitast undanfarnar vikur? Þegar smittölur eru skoðaðar eftir starfsstéttum sést að flestir hinna smituðu, 323, eru í hópi hjúkrunarfræðinga - sem ef til vill ætti ekki að koma á óvart miðað við fjölda hjúkrunarfræðinga sem vinnur á spítalanum.

Topp 10 starfsheiti:

Hjúkrunarfræðingur	323
Starfsmaður	146
Sjúkraliði	118
Sérhæfður starfsmaður	83
Sérfræðilæknir	77
Ráðgjafi/ stuðningsfulltrúi	71
Hjúkrunarnemi	70
Skrifstofumaður	62
Sérnámslæknir	53
Ljósmóðir	43

Næstflestir eru einfaldlega „starfsmenn“, þ.e. skrifstofumenn og forritarar til dæmis, og þar á eftir koma sjúkraliðar. Sérfræðilæknar eru jafnframt í einu efstu sætanna. Lista yfir efstu tíu starfsstéttir spítalans má sjá hér fyrir ofan.

Topp 10 deildir:

Bráðamóttaka	59
Hjartadeild	43
Rannsóknakjarni	34
Framleiðslueldhús, matargerð	32
Fæðingarvakt	30
Öldrunardeild H	26
Kviðarhols- og þvagfæraskurðdeild	25
Blóðlækningadeild	24
Hjarta-, lungna- og augnskurðdeild	23
Móttökugeðdeild	23
Smitsjúkdómadeild	23

Þegar horft er á deildir má sjá að bráðamóttakan efst - þar hafa 59 starfsmenn smitast. Þar á eftir kemur hjartadeild, þvínæst rannsóknakjarni, svo framleiðslueldhús og matargerð. Listann yfir tíu efstu deildirnar má nálgast hér fyrir ofan.

Landspítalinn Faraldur kórónuveiru (COVID-19)

Mest lesið

Fleiri fréttir