Dagskráin í dag: Fótbolti, körfubolti, golf og troðslukeppni í NBA

Stöð 2 Sport 

Lengjubikar karla á sviðið á Stöð 2 Sport, en við byrjum á leik ÍA og KV klukkan 11:55. Klukkan 14:55 mætast svo Þór frá Akureyri og Stjarnan áður en KA-menn taka á mót FH-ingum klukkan 16:55.

Stöð 2 Sport 2

Enska 1. deildin ríður á vaðið á Stöð 2 Sport 2 þegar topplið Fulham tekur á móti Huddersfield klukkan 12:55. 

Ítalski boltinn tekur svo við klukkan 16:50 þegar Roma fær Hellas Verona í heimsókn áður en botnlið Salernitana tekur á móti toppliði AC Milan klukkan 19:35.

Stjörnuhelgin í NBA-deildinni í körfubolta er í fullum gangi en í nótt er komið að troðslukeppninni. Útsending hefst klukkan 01:00 eftir miðnætti, en áður en troðslukeppnin fer í gang verður þriggja stiga keppnin meðal annars á dagskrá.

Stöð 2 Sport 3

Sampdoria tekur á móti Empoli í ítölsku úrvalsdeildinni í fótbolta klukkan 13:50.

Klukkan 17:20 hefst svo útsending frá undanúrslitum spænsku bikarkeppninnar í körfubolta þar sem Real Madrid og Lenovo Tenerife eigast við.

Seinni undanúrslitaviðureignin hefs klukkan 20:20, en þar eru það Barcelona og Murcia sem etja kappi.

Stöð 2 Sport 4

The Genesis Invitational á PGA-mótaröðinni í golfi heldur áfram frá klukkan 18:00.