Handbolti

Lovísa snýr aftur í landsliðið en Karen ekki með

Ingvi Þór Sæmundsson skrifar
Karen Knútsdóttir er ekki í æfingahópi landsliðsins.
Karen Knútsdóttir er ekki í æfingahópi landsliðsins. vísir/bára

Arnar Pétursson, þjálfari íslenska kvennalandsliðsins í handbolta, hefur valið nítján manna æfingahóp fyrir leikina gegn Tyrklandi í undankeppni EM 2022 í næsta mánuði.

Lovísa Thompson snýr aftur í landsliðið eftir að hafa tekið sér nokkurra mánaða hlé frá handbolta fyrir áramót. 

Karen Knútsdóttir, sem var lengi landsliðsfyrirliði, er hins vegar ekki í hópnum. Ragnheiður Júlíusdóttir, samherji Karenar hjá Fram, gaf ekki kost á sér af persónulegum ástæðum.

Hinar ungu Jóhanna Margrét Sigurðardóttir úr HK og Rakel Sara Elvarsdóttir úr KA/Þór eru í hópnum en þær gætu leikið sína fyrstu keppnisleiki fyrir landsliðið gegn Tyrkjum.

Ísland mætir Tyrklandi í Katamonu 2. mars. Fjórum dögum síðar mætast liðin á Ásvöllum.

Ísland er með tvö stig í riðlinum en Tyrkland ekki neitt.

Íslenski hópurinn

Markverðir:

  • Elín Jóna Þorsteinsdóttir, Ringköbing Håndbold (35/1)
  • Hafdís Renötudóttir, Fram (32/1)
  • Sara Sif Helgadóttir, Valur (3/0)

Aðrir leikmenn:

  • Andrea Jacobsen, Kristianstad (27/7)
  • Berglind Þorsteinsdóttir, HK (8/5)
  • Díana Dögg Magnúsdóttir, BSV Sachsen Zwickau (30/31)
  • Elísa Elíasdóttir, ÍBV (2/0)
  • Harpa Valey Gylfadóttir, ÍBV (10/8)
  • Helena Rut Örvarsdóttir, Stjarnan (47/80)
  • Hildigunnur Einarsdóttir, Valur (86/96)
  • Jóhanna Margrét Sigurðardóttir, HK (3/7)
  • Lovísa Thompson, Valur (25/52)
  • Rakel Sara Elvarsdóttir, KA/Þór (3/2)
  • Rut Jónsdóttir, KA/Þór (104/215)
  • Sandra Erlingsdóttir, EH Aalborg (8/27)
  • Sunna Jónsdóttir, ÍBV (63/47)
  • Thea Imani Sturludóttir, Valur (50/77)
  • Unnur Ómarsdóttir, KA/Þór (34/32)
  • Þórey Rósa Stefánsdóttir, Fram (109/319)
EM kvenna í handbolta 2022

Mest lesið


Fleiri fréttir

Sjá meira


×

Mest lesið