Dagskráin í dag: Eitthvað fyrir alla

Stöð 2 Sport

Körfuboltinn verður á Stöð 2 Sport í kvöld. Veislan hefst öll á uppgjörsþætti Subway körfuboltakvölds kvenna klukkan 17:00.

Að körfuboltakvöldi loknu hefst viðureign Stjörnunnar og Grindavíkur í Subway-deild karla klukkan 18:05. Liðið sem vinnur fer langt með að tryggja sætið sitt í úrslitakeppninni.

Strax í kjölfarið er toppslagur í Þorlákshöfn þar sem Íslandsmeistararnir í Þór taka á móti Val klukkan 20:05.

Allir leikir kvöldsins verða svo gerðir upp í Tilþrifunum sem er á dagskrá eftir leikinn í Þorlákshöfn, klukkan 22:00.

Stöð 2 Sport 2

Fótboltanum verður gerð góð skil á Stöð 2 Sport tvö og þrjú þar sem Evrópudeildin og Sambandsdeildin eru á dagskrá í kvöld. 

Klukkan 17:45 fara Sverrir Ingi og félagar í PAOK af stað í fyrri viðureign 16-liða úrslita Sambandsdeildarinnar þar sem þeir mæta belgíska liðinu Gent á heimavelli.

Spænska stórliðið Barcelona munu svo taka á móti gríska risanum Galatasaray í fyrri viðureign 16-liða úrslita Evrópudeildarinnar klukkan 19:50.

Stöð 2 Sport 3

Fyrri viðureign FK Partizan Belgrad og Feyenoord í 16-liða úrslitum Sambandsdeildarinnar hefst klukkan 17:45 á Stöð 2 Sport 3.

Strax í kjölfarið fer af stað leikur PSV við Íslendingaliðið FCK í sömu deild eða klukkan 19:50.

Stöð 2 Sport 4

Þeir tveir, Hjammi og Gummi Ben verða á sínum stað klukkan 19:10.

Stöð 2 eSport

Klukkan 16:45 er landsleikur í efótbolta áður en að FRÍS, framhaldsskólaleikar Rafíþróttasamtaka Íslands taka við klukkan 19:30.

Stöð 2 Golf

The Players Championship á PGA mótaröðinni er á dagskrá klukkan 17:00. Í nótt hefst svo bein útsending af Honda mótinu á Tælandi í LPGA mótaröðinni, klukkan 03:00.