Aftur­elding enn án stiga eftir stórt tap gegn Stjörnunni

Leikurinn var eins og lokatölurnar gefa til kynna ekki beint spennandi en eftir tíu mínútna leik stungu gestirnir úr Garðabæ af. Staðan 13-18 í hálfleik og jókst svo bara eftir því sem leið á leikinn, lokatölur 26-35.

Elísabet Gunnarsdóttir og Anna Karen Hansdóttir voru báðar með sjö mörk í liði Stjörnunnar og báðar tóku aðeins sjö skot í leiknum. Þar á eftir kom Helena Rut Örvarsdóttir með sex mörk. Í markinu vörðu þær Darija Zecevic og Elín Eyfjörð 16 skot samtals.

Hjá Aftureldingu var Sylvía Björt Blöndal markahæst með átta mörk.

Afturelding er því sem fyrr á botni deildarinnar án stiga á meðan Stjarnan lyftir sér upp í 4. sætið með 18 stig en Haukar og ÍBV eiga bæði leik til góða.