Innlent

Leituðu að tveimur kylfu­mönnum eftir til­kynningu

Tryggvi Páll Tryggvason skrifar
Það var eitthvað um að vera í nótt að sögn lögreglu.
Það var eitthvað um að vera í nótt að sögn lögreglu. Vísir/Vilhelm

Lögreglan á höfuðborgarsvæðinu leitaði til skamms tíma í nótt að tveimur kylfumönnum eftir að tilkynning barst um að þeir væru á ferðinni í vesturhluta borgarinnar.

Tilkynning um að tveir menn væru á gangi með kylfur barst skömmu fyrir miðnætti. Í dagbók lögreglu kemur fram að mennirnir hafi ekki fundist þrátt fyrir leit, en tekið er fram að aðeins ein tilkynning hafi borist um menninna.

Þá var ölvaður ökumaður handtekinn í miðborginni eftir að hann ók á bíla þar í nótt. Minniháttar tjón varð á bílunum og er málið í rannsókn.

Einnig bárust nokkrar tilkynningar um slagsmál og ólæti í miðborginni sem lögregla sinnti.

Lögreglumál Reykjavík

Mest lesið


Fleiri fréttir

Sjá meira


×

Mest lesið