Stríðs­mennirnir sölluðu Skógar­birnina niður

Einvígið hefur verið æsispennandi til þessa en segja má að leikur næturinnar hafi verið leikur kattarins að músinni, það er eftir að fyrsta leikhluta lauk. Að honum loknum leiddu Skógarbirnirnir frá Memphis með tveimur stigum en í næstu þremur leikhlutum voru þeir skotnir í kaf.

Stríðsmennirnir skoruðu 38 stig í öðrum leikhluta, 37 í þeim þriðja og að lokum 41 í þeim fjórða. Stórsigur þeirra staðreynd og Golden State komið 2-1 yfir í einvíginu.

Stephen Curry var stigahæstur með 30 stig, Jordan Poole skoraði 27 og Klay Thompson skoraði 21. Hjá Grizzlies var Ja Morant stigahæstur með 34 stig.