Freyr vill Jón Dag til Lyngby

Freyr er að fylgjast með landsleiknum gegn Ísrael í Þjóðadeildini og eftir að Jón Dagur kom Íslandi í forystu skrifaði Freyr á Twitter að tilboð hans í Jón Dag renni út eftir 12 klukkustundir.

Tekið skal fram að Freyr er duglegur að gantast á Twitter en hann bætir við að Jón fær ást og traust í laun ásamt því að faðir hans og þjálfari kvennalandsliðsins, Þorsteinn Halldórsson, fái fríar pulsur í Lyngby.

Jón Dagur hefur verið að standa sig vel með íslenska landsliðinu. Var hann að skora annað mark sitt í röð með landsliðinu eftir markið sem hann skoraði gegn Albaníu í síðasta leik í Þjóðadeildinni. Alls hefur Jón Dagur leikið 21 leik með íslenska landsliðinu og skorað í þeim 4 mörk.

Jón Dagur er eftirsóttur víða um Evrópu en Freyr mun sennilega ekki gefa upp vonina að fá Jón til liðs við sig fyrir fría klippingu eftir hvert skorað mark.