Fótbolti

Berglind í byrjunarliðinu í sigri en Hallbera ekki í hóp

Atli Arason skrifar
Berglind Rós Ágústsdóttir, spilaði allan leikinn í 1-2 útisigri.
Berglind Rós Ágústsdóttir, spilaði allan leikinn í 1-2 útisigri.

Berglin Rós Ágústsdóttir var í byrjunarliði Örebro í 1-2 útisigri liðsins á Vittsjo í sænsku úrvalsdeildinni en á sama tíma var Hallbera Guðný Gísladóttir ekki í leikmannahóp Kalmar sem tapaði á heimavelli gegn Djurgarden, 0-1.

Tapið í dag var fimmta tap Kalmar í röð. Julia Walentowicz skoraði mark Djurgarden á 36. mínútu leiksins.

Berglind Rós spilaði allar 90 mínúturnar fyrir Örebro þegar liðið sótti stigin þrjú gegn Vittsjo. Linda Sallstrom kom Vittsjo yfir áður en Jenna Hellstrom og Michaela Kovacs náðu forskotinu fyrir Örebro rétt fyrir hálfleikshléið. Ekkert var skorað í síðari hálfleik og lokatölur því 1-2.

Sigurinn lyftir Örebro upp í 18 stig en liðið er í 10. sæti deildarinnar þegar 15 umferðir eru búnar. Hallbera og stöllur eru hins vera í vandræðum með einungis níu stig í 11. sæti, aðeins tveimur stigum frá fallsvæðinu.

Upplýsingar um markaskorara og stöðutöflur eru í boði Flashscore.com

Sænski boltinn

Mest lesið


Fleiri fréttir

Sjá meira


×

Mest lesið