Mættu 25 tímum fyrir flug á erfiðasta flugvöll Evrópu Óttar Kolbeinsson Proppé skrifar 5. júlí 2022 18:54 Þeir Carlos og Breki sögðu farir sínar ekki sléttar af Schiphol-flugvellinum í Amsterdam. vísir/bjarni Farþegar sem komu með vél Icelandair frá Schiphol-flugvelli í Amsterdam til Íslands seinni partinn í gær lentu í því að töskur þeirra voru skildar eftir úti. Flugfélagið segir að vegna manneklu á vellinum úti hafi þurft að taka ákvörðun um að halda fluginu nokkurn veginn á áætlun og sleppa töskunum eða seinka því um marga klukkutíma á meðan beðið væri eftir að flugvallarstarfsmenn gætu hlaðið þeim um borð. Fyrri kosturinn varð fyrir valinu. Hann hafi þótt betri en sá seinni og töskunum verði komið til Íslands eftir einhverjum leiðum. Fréttastofa fór á Leifsstöð í gær til að ná tali af farþegum sem voru að koma frá Schiphol-vellinum en ástandið þar er sagt eitt það alversta í Evrópu. Reglulega myndast þar lygilega langar raðir, til dæmis í gær þegar röð í öryggisleit náði nokkra kílómetra út frá vellinum. Þar beið fólk jafnvel í marga klukkutíma eftir að komast í gegn um leit og inn í flugstöðina. Wow. Line for security @Schiphol in Amsterdam. Tents built outside cannot accommodate lines. You are seeing 60% of line. #EAU22 pic.twitter.com/HB0hCoERjS— Arvin George (@arvinkgeorge) July 4, 2022 „Þetta byrjar bara á röðinni í öryggisleitina. Hún er örugglega tveggja til þriggja kílómetra löng og fer út af vellinum og í nokkra hringi. Það var búið að setja upp svona partítjöld yfir hana,“ segir Carlos Garðar einn farþega sem komu með vél Icelandair í gær. Hann flaug frá Schiphol ásamt vini sínum Berki Ísak Ólafssyni. Þeir vildu vera alveg öruggir með að ná fluginu sínu. „Við mættum 25 tímum fyrir flugið okkar upp á völl,“ segir Breki. Alger ringulreið á vellinum Og fleiri farþegar lýsa slæmri reynslu sinni af flugvellinum: „ Það var hræðilegt, alveg hræðilegt,“ segir Christine Middlebrook frá Bandaríkjunum, sem flaug hingað til lands í gær frá Amsterdam. „Fyrst var hætta á bændamótmælum sem hefðu teppt veginn en við komumst út á flugvöll. En maður getur ekki skráð sig inn fyrr en fjórum tímum fyrir brottför svo maður kemur þangað fjórum tímum fyrir flugið og við vorum í biðröðinni að minnsta kosti í fjóra tíma,“ segir hún. „Og svo var farangursafgreiðslan... Ég veit ekki hvað gerðist en það tókst ekki að koma töskunum okkar í flugvélina svo við höfum engar töskur.“ Annar Bandaríkjamaður Leon Maroney lýsir sama ástandi. Hann og fjölskylda hans voru ansi þreytt eftir ferðalagið enda biðu þau í þrjá tíma fyrir utan Schiphol völlinn áður en þau komust inn á flugstöðina. „Það var alger ringulreið á flugvellinum, fólk beið í þrjá tíma eftir að komast inn á svæðið til að bíða eftir fluginu. Þetta var mjög slæmt og margar af töskunum, allar töskurnar, held ég, urðu eftir í Amsterdam. Við verðum hér í nokkra daga, farangurslaus.“ Leon segist aldrei hafa lent í öðru eins á ferðalögum sínum um heiminn og á vellinum í Amsterdam í gær. vísir/bjarni Schiphol-völlur líklega verstur Skortur á starfsfólki á flestum flugvöllum Evrópu er eitt helsta vandamálið sem íslensku félögin standa frammi fyrir því seinkun á flugi frá einum stað getur valdið miklu raski á öllu leiðakerfi flugfélags. „Og það er ýmislegt í þessu alveg sérstaklega erfitt. Það er mjög mikið bókað með öllum okkar flugvélum og erfitt að koma fólki fyrir í önnur flug,“ segir Jens Bjarnason, framkvæmdastjóri rekstrarsviðs Icelandair. Jens þykir miður að farþegar Icelandair upplifi ástandið á flugvöllum Evrópu um þessar mundir. Lítið sé þó hægt að gera í stöðunni.vísir/einar Hann segir Schiphol ekki eina flugvöllinn þar sem vandamál sem þessi koma upp og nefnir sem dæmi Dublin, Manchester og Toronto þar sem ástandið hefur verið slæmt. „En Amsterdam-flugvöllur er þó sýnu verstur,“ segir Jens. Röðin á Schiphol í gær varð lygilega löng. Margir hafa misst af flugi sínu þar síðustu vikurnar, þar á meðal Íslendingar. „Og okkur þykir þetta náttúrulega ákaflega leitt að farþegar okkar þurfi að upplifa þetta. En þetta er bara staðan því miður,“ segir Jens. Fréttir af flugi Icelandair Ferðamennska á Íslandi Ferðalög Mest lesið Sveitarstjórn reyni að skrá íbúa úr sveitarfélaginu og ógni grundvallarréttindum Innlent Lögregla kölluð til eftir að bremsuvírar voru klipptir á reiðhjólum barna Innlent Skoða að efla geðheilbrigðisþjónustu á Austurlandi eftir röð áfalla Innlent Hleypur 110 kílómetra á dag til að setja heimsmet Innlent Kjölur ekki á dagskrá Innlent Fólk deili lyfseðlum og „míkródósi“: „Við getum ekki réttlætt þá meðferð“ Innlent Lögregla hafi hlaupið á sig á Siglufirði: „Þetta eru einstök prúðmenni“ Innlent „Mér hefur aldrei verið sýnd jafn mikil vanvirðing“ Innlent Starfsfólk Alcoa vilji setja fyrirtækinu mörk Innlent Ástand á stúdentagörðum: Ítrekuð innbrot, mat stolið, dýnur í kjallara og hland á gólfi Innlent Fleiri fréttir Sveitarstjórn reyni að skrá íbúa úr sveitarfélaginu og ógni grundvallarréttindum Skoða að efla geðheilbrigðisþjónustu á Austurlandi eftir röð áfalla Kjölur ekki á dagskrá Lögregla kölluð til eftir að bremsuvírar voru klipptir á reiðhjólum barna Hleypur 110 kílómetra á dag til að setja heimsmet Fólk deili lyfseðlum og „míkródósi“: „Við getum ekki réttlætt þá meðferð“ Deila lyfseðlum fyrir þyngdarstjórnunarlyf og undankeppni HM hefst Starfsfólk Alcoa vilji setja fyrirtækinu mörk Lögregla hafi hlaupið á sig á Siglufirði: „Þetta eru einstök prúðmenni“ Ætla að rannsaka meint undirboð á kísilmálmi „Mér hefur aldrei verið sýnd jafn mikil vanvirðing“ Hélt eiginkonu og fimm börnum í heljargreipum Breyta Korpuskóla til að anna eftirspurn í Klettaskóla Vegabætur á Vestfjörðum opni tækifæri í vetrarferðamennsku Vilja aðgerðir strax Ástand á stúdentagörðum: Ítrekuð innbrot, mat stolið, dýnur í kjallara og hland á gólfi „Geta verið dauðsföll, þú veist ekkert hvað er í þessu“ Öllum börnum undir sex mánaða boðin forvörn gegn RS veiru Vildu fá að vita hvort ríkisstyrkir hefðu farið í málsóknir gegn orkuframkvæmdum Vara við ólöglegum megrunarlyfjum sem eru í umferð Konan er fundin Sextán ára kveikti í herbergi sínu Þremur sleppt úr haldi og brotaþoli útskrifaður „Það kemur að því að við lendum í veseni“ Ekki hægt að þaga þegar stjórnmálamenn leika sér að því að særa fram tröllin 252,6 milljónir runnið í ríkissjóð úr dánarbúum án lögerfingja á tíu árum Þrjú söfn í eina sæng Yfirgefið hreysi víkur fyrir hundrað íbúðum Líkamsárás á gistiheimili „Ekkert óeðlilegt við það að endurskoða þetta kerfi“ Sjá meira
Fyrri kosturinn varð fyrir valinu. Hann hafi þótt betri en sá seinni og töskunum verði komið til Íslands eftir einhverjum leiðum. Fréttastofa fór á Leifsstöð í gær til að ná tali af farþegum sem voru að koma frá Schiphol-vellinum en ástandið þar er sagt eitt það alversta í Evrópu. Reglulega myndast þar lygilega langar raðir, til dæmis í gær þegar röð í öryggisleit náði nokkra kílómetra út frá vellinum. Þar beið fólk jafnvel í marga klukkutíma eftir að komast í gegn um leit og inn í flugstöðina. Wow. Line for security @Schiphol in Amsterdam. Tents built outside cannot accommodate lines. You are seeing 60% of line. #EAU22 pic.twitter.com/HB0hCoERjS— Arvin George (@arvinkgeorge) July 4, 2022 „Þetta byrjar bara á röðinni í öryggisleitina. Hún er örugglega tveggja til þriggja kílómetra löng og fer út af vellinum og í nokkra hringi. Það var búið að setja upp svona partítjöld yfir hana,“ segir Carlos Garðar einn farþega sem komu með vél Icelandair í gær. Hann flaug frá Schiphol ásamt vini sínum Berki Ísak Ólafssyni. Þeir vildu vera alveg öruggir með að ná fluginu sínu. „Við mættum 25 tímum fyrir flugið okkar upp á völl,“ segir Breki. Alger ringulreið á vellinum Og fleiri farþegar lýsa slæmri reynslu sinni af flugvellinum: „ Það var hræðilegt, alveg hræðilegt,“ segir Christine Middlebrook frá Bandaríkjunum, sem flaug hingað til lands í gær frá Amsterdam. „Fyrst var hætta á bændamótmælum sem hefðu teppt veginn en við komumst út á flugvöll. En maður getur ekki skráð sig inn fyrr en fjórum tímum fyrir brottför svo maður kemur þangað fjórum tímum fyrir flugið og við vorum í biðröðinni að minnsta kosti í fjóra tíma,“ segir hún. „Og svo var farangursafgreiðslan... Ég veit ekki hvað gerðist en það tókst ekki að koma töskunum okkar í flugvélina svo við höfum engar töskur.“ Annar Bandaríkjamaður Leon Maroney lýsir sama ástandi. Hann og fjölskylda hans voru ansi þreytt eftir ferðalagið enda biðu þau í þrjá tíma fyrir utan Schiphol völlinn áður en þau komust inn á flugstöðina. „Það var alger ringulreið á flugvellinum, fólk beið í þrjá tíma eftir að komast inn á svæðið til að bíða eftir fluginu. Þetta var mjög slæmt og margar af töskunum, allar töskurnar, held ég, urðu eftir í Amsterdam. Við verðum hér í nokkra daga, farangurslaus.“ Leon segist aldrei hafa lent í öðru eins á ferðalögum sínum um heiminn og á vellinum í Amsterdam í gær. vísir/bjarni Schiphol-völlur líklega verstur Skortur á starfsfólki á flestum flugvöllum Evrópu er eitt helsta vandamálið sem íslensku félögin standa frammi fyrir því seinkun á flugi frá einum stað getur valdið miklu raski á öllu leiðakerfi flugfélags. „Og það er ýmislegt í þessu alveg sérstaklega erfitt. Það er mjög mikið bókað með öllum okkar flugvélum og erfitt að koma fólki fyrir í önnur flug,“ segir Jens Bjarnason, framkvæmdastjóri rekstrarsviðs Icelandair. Jens þykir miður að farþegar Icelandair upplifi ástandið á flugvöllum Evrópu um þessar mundir. Lítið sé þó hægt að gera í stöðunni.vísir/einar Hann segir Schiphol ekki eina flugvöllinn þar sem vandamál sem þessi koma upp og nefnir sem dæmi Dublin, Manchester og Toronto þar sem ástandið hefur verið slæmt. „En Amsterdam-flugvöllur er þó sýnu verstur,“ segir Jens. Röðin á Schiphol í gær varð lygilega löng. Margir hafa misst af flugi sínu þar síðustu vikurnar, þar á meðal Íslendingar. „Og okkur þykir þetta náttúrulega ákaflega leitt að farþegar okkar þurfi að upplifa þetta. En þetta er bara staðan því miður,“ segir Jens.
Fréttir af flugi Icelandair Ferðamennska á Íslandi Ferðalög Mest lesið Sveitarstjórn reyni að skrá íbúa úr sveitarfélaginu og ógni grundvallarréttindum Innlent Lögregla kölluð til eftir að bremsuvírar voru klipptir á reiðhjólum barna Innlent Skoða að efla geðheilbrigðisþjónustu á Austurlandi eftir röð áfalla Innlent Hleypur 110 kílómetra á dag til að setja heimsmet Innlent Kjölur ekki á dagskrá Innlent Fólk deili lyfseðlum og „míkródósi“: „Við getum ekki réttlætt þá meðferð“ Innlent Lögregla hafi hlaupið á sig á Siglufirði: „Þetta eru einstök prúðmenni“ Innlent „Mér hefur aldrei verið sýnd jafn mikil vanvirðing“ Innlent Starfsfólk Alcoa vilji setja fyrirtækinu mörk Innlent Ástand á stúdentagörðum: Ítrekuð innbrot, mat stolið, dýnur í kjallara og hland á gólfi Innlent Fleiri fréttir Sveitarstjórn reyni að skrá íbúa úr sveitarfélaginu og ógni grundvallarréttindum Skoða að efla geðheilbrigðisþjónustu á Austurlandi eftir röð áfalla Kjölur ekki á dagskrá Lögregla kölluð til eftir að bremsuvírar voru klipptir á reiðhjólum barna Hleypur 110 kílómetra á dag til að setja heimsmet Fólk deili lyfseðlum og „míkródósi“: „Við getum ekki réttlætt þá meðferð“ Deila lyfseðlum fyrir þyngdarstjórnunarlyf og undankeppni HM hefst Starfsfólk Alcoa vilji setja fyrirtækinu mörk Lögregla hafi hlaupið á sig á Siglufirði: „Þetta eru einstök prúðmenni“ Ætla að rannsaka meint undirboð á kísilmálmi „Mér hefur aldrei verið sýnd jafn mikil vanvirðing“ Hélt eiginkonu og fimm börnum í heljargreipum Breyta Korpuskóla til að anna eftirspurn í Klettaskóla Vegabætur á Vestfjörðum opni tækifæri í vetrarferðamennsku Vilja aðgerðir strax Ástand á stúdentagörðum: Ítrekuð innbrot, mat stolið, dýnur í kjallara og hland á gólfi „Geta verið dauðsföll, þú veist ekkert hvað er í þessu“ Öllum börnum undir sex mánaða boðin forvörn gegn RS veiru Vildu fá að vita hvort ríkisstyrkir hefðu farið í málsóknir gegn orkuframkvæmdum Vara við ólöglegum megrunarlyfjum sem eru í umferð Konan er fundin Sextán ára kveikti í herbergi sínu Þremur sleppt úr haldi og brotaþoli útskrifaður „Það kemur að því að við lendum í veseni“ Ekki hægt að þaga þegar stjórnmálamenn leika sér að því að særa fram tröllin 252,6 milljónir runnið í ríkissjóð úr dánarbúum án lögerfingja á tíu árum Þrjú söfn í eina sæng Yfirgefið hreysi víkur fyrir hundrað íbúðum Líkamsárás á gistiheimili „Ekkert óeðlilegt við það að endurskoða þetta kerfi“ Sjá meira