Klopp tekur af öll tvímæli um framtíð Firmino

Firmino verður samningslaus hjá Liverpool næsta sumar en meiðsli urðu til þess að hann spilaði einungis 20 deildarleiki á síðustu leiktíð. 

Þessi þrítugi framherji er hins vegar enn í miklum metum hjá Klopp og klárlega í framtíðaráformum félagsins að hans sögn.

„Bobby er mjög mikilvægur hluti af okkar liði og hann er hjartað og sálin í liðinu. 

Það er allt í góðu á milli okkar og ég hef verið mjög ánægður með hann í sumar. Það er enginn vafi í mínum huga að hann verður mjög mikilvægur fyrir okkur á komandi tímabili," sagði Klopp um téðar sögusagnir á blaðamannafundi fyrir Liverpool við Manchester City um Samfélagsskjöldinn.  

Töluverð endurnýjun hefur orðið á framlínu Liverpool síðasta misserð en Luis Diaz kom í janúarglugganum í upphafi þessa árs og Fabio Carvalho og Darwin Nunez í sumar.  

Sadio Mané, Takumi Minamino og Divock Origi eru hins vegar horfnir á braut.