Man Utd tókst ekki að leggja Rayo að velli í fyrsta leik Ten Hag á Old Trafford

Í dag tók liðið á móti spænska úrvalsdeildarliðinu Rayo Vallecano á Old Trafford en um var að ræða fyrsta leik liðsins undir stjórn hins hollenska Erik Ten Hag á heimavelli.

Mikið hefur verið rætt og ritað um framtíð Cristiano Ronaldo en hann var í byrjunarliði Man Utd í dag. Portúgalinn hefur ekkert tekið þátt í undirbúningi liðsins undanfarnar vikur.

Ronaldo var skipt af velli í leikhléi fyrir ungstirnið Amad Diallo og það var hann sem náði forystunni fyrir Man Utd strax á 48.mínútu.

Alvaro Garcia jafnaði metin fyrir Rayo Vallecano á 54.mínútu og fleiri urðu mörkin ekki. Lokatölur 1-1.

Man Utd hefur leik í ensku úrvalsdeildinni eftir slétta viku þegar liðið fær Brighton í heimsókn.