HM von Paul Pogba lifir eftir góðar fréttir

Pogba snéri aftur til Juventus á frjálsri sölu frá Manchester United en meiddist strax á hné í æfingaferð til Bandaríkjanna.

Menn óttuðust fyrst að Pogba myndi missa af HM sérstaklega ef hann þyrfti að leggjast á skurðarborðið. Sérfræðingur skoðaði Pogba í gær og komst að því að á aðgerð væri ekki þörf.

Pogba lék fyrsta leik Juventus á undirbúningstímabilinu á móti Chivas Guadalajara frá Mexíkó en kvartaði undan verk í hnénu eftir leikinn.

Rannsóknir sýndu fram á að skemmd á liðþófa. Ítalska blaðið La Gazzetta dello Sport segir að Pogba nægi að fara í meðhöndlun í lyftingasalnum og sundlauginni og ætti að vera kominn til baka eftir fimm vikna fjarveru.

Þetta þýðir að Pogba ætti að geta unnið sér sæti í franska landsliðinu fyrir HM í Katar í nóvember. Hann var í stóru hlutverki þegar Frakkar urðu heimsmeistarar í Rússlandi 2018 og spilaði oftast mun betur með landsliðinu en með liði Manchester United.