Ný þjóðarhöll: Skrýtið ef einhver segir „allt í plati“ Valur Páll Eiríksson skrifar 30. september 2022 08:01 Gunnar staðfestir að nýja þjóðarhöllin verði í Laugardal rétt eins og sú gamla. Vísir/Vilhelm Það er ekki annað að heyra á Gunnari Einarssyni, formanni framkvæmdanefndar um nýja þjóðarhöll, en að verkefnið gangi vel. Hann segir mikinn hug í þeim sem að koma. „Það er rífandi gangur í vinnunni. Við erum búin að funda þrisvar sinnum og erum að teikna upp alla þá verkþætti og verkferla sem þurfa að vera í lagi. Við erum að funda með framkvæmdasýslunni núna á mánudaginn og erum að skoða leiðir með hugmyndasamkeppni og svo framvegis,“ segir Gunnar og vísar þar til Framkvæmdasýslu ríkisins sem sér um byggingu og rekstur fasteigna í ríkiseigu. „Svo gerum við ráð fyrir að funda með ráðgjafaráði, sem eru hagsmunaaðilar úr íþróttahreyfingunni. Ég vona að það verði í næstu viku. Þetta er bara á fullri ferð og það er engan bilbug á nefndinni að finna,“ Gunnar Einarsson, formaður framkvæmdanefndar nýrrar þjóðarhallar. Áfram stefnt að því að klára 2025 Ummæli Sigurður Inga Jóhannssonar, innviðaráðherra, á Sprengisandi á Bylgjunni í síðustu viku virtust benda til að vinnu við höllina skyldi slegið á frest. „Við munum ekki eyða peningum í nýjar framkvæmdir 2023 af því við ætlum ekki að búa hér til hærra vaxtastig,“ sagði Sigurður Ingi og bætti við að tímalína verkefnisins myndi víkka. Gunnar segir framkvæmdanefndina hins vegar starfa út frá þeim grundvelli að höllin verði klár á tilsettum tíma, árið 2025, þangað til annað kemur í ljós. „Við bara störfum miðað við þær óskir og þær hafa komið mjög skýrt fram bæði frá Reykjavíkurborg og ríkinu. Það er ekkert núna sem segir okkur að það gæti ekki orðið. En það er bara með svona framkvæmdir að stundum kemur upp einhver ómöguleiki vegna einhverra tafa, hvort sem að það eru kærur eða einhver ferli,“ „En nefndin starfar í samræmi við þetta, svo þegar tíminn líður sjá menn betur hvað stenst af tímamörkum,“ segir Gunnar. Fjárútlát ríksins sendi skýr skilaboð Í því samhengi segir Gunnar að skýrt sé kveðið á um þjóðarhöllina í stjórnarsáttmála og viljayfirlýsingunni sem gefin var út í maí. 100 milljónir sem ríkið setji í undirbúningsvinnuna sendi þá ákveðin skilaboð. „Nú er ríkið að setja í þetta 100 milljónir í undirbúning og það sendir ákveðin skilaboð. Svo er samkomulag í ríkisstjórn um að fara í þetta verkefni og þetta er í stjórnarsáttmálanum. Svo er viljayfirlýsing milli Reykjavíkurborgar og ríkisins um ákveðna þætti og ákveðna nálgun, þannig að mér fyndist það svolítið skrýtið ef einhver myndi segja „nei, allt í plati“ og búnir að eyða 100 milljónum í undirbúning, það kæmi mér mjög á óvart,“ Ákallið eftir nýrri þjóðarhöll hefur heyrst ítrekað í fjöldamörg ár en verkefnið hefur oftar en ekki strandað á stappi milli ríkis og borgar. „Ég finn ekki neitt annað. Ég er búinn að funda bæði með fjármálaráðherra, borgarstjóra og Ásmundi [Einari Daðasyni, barnamálaráðherra] og ég finn ekkert annað en spenning og velvilja hjá þessum aðilum,“ „Ég bara horfi á viljayfirlýsinguna, á stjórnarsáttmálann, þessar 100 milljónir og þessa nefnd, ég er ekkert að velta neinu öðru fyrir mér, hvað menn segja hér og þar og út og suður,“ segir Gunnar. Mannvirki sem á að standa í 100 ár svo vanda þarf til verka Gunnar segir endanlega ákveðið að höllin verði í Laugardal, líkt og búist var við. Þó nokkrar aðrar staðsetningar hafa verið lagðar til í almenningsumræðunni á síðustu dögum, en nýja höllin verður í grennd við þá gömlu. „Ég og nefndin erum bara með þetta verkefni og núna er búið að ákveða staðsetninguna, sem er Laugardalurinn og við erum núna bara í þessum töluðu orðum að velta fyrir okkur nákvæmari staðsetningu þar. Það er nú strax stór áfangi að vera búinn að ákveða staðsetninguna,“ „Það þarf auðvitað að vera ákveðinn metnaður í svona verkefni. Ég finn ekki annað en að sá metnaður sé til staðar. Þetta er eitthvað mannvirki sem á að standa í 100 ár svo það er eins gott að gera þetta almennilega,“ segir Gunnar. Handbolti Körfubolti Reykjavík Ný þjóðarhöll Landslið kvenna í handbolta Landslið karla í handbolta Landslið kvenna í körfubolta Landslið karla í körfubolta Mest lesið Lífvörðurinn bannaður: „Leyfið mér að hjálpa Messi“ Fótbolti „Var meira fyrir að borða nutella úr krukkunni og spila tölvuleiki“ Íslenski boltinn Stúkan fær liðsstyrk í þremur kanónum Íslenski boltinn Besta auglýsing Fram: Rúnar kann öll vafasömu trixin Íslenski boltinn Tekjur Wrexham í hæstu hæðum Fótbolti „Ég veit bara að þetta er mjög vont“ Fótbolti Tárin streymdu hjá gömlu United-hetjunni Fótbolti 570 milljóna uppsafnað tap hjá Everton Fótbolti Besta-spáin 2025: Vindur í Skagaseglin Íslenski boltinn Þórey aftur inn í landsliðið: „Þurftum bara aðeins að hreinsa andrúmsloftið“ Handbolti Fleiri fréttir „Búin að taka mig inn í fjölskylduna“ Úthúðar þjálfaranum: Fékk betri æfingar í flóttamannabúðunum Dæmdur í áttatíu leikja bann og tapar 769 milljónum króna HM stækkað og verðlaunaféð tvöfaldað Stúkan fær liðsstyrk í þremur kanónum Besta auglýsing Fram: Rúnar kann öll vafasömu trixin „Var meira fyrir að borða nutella úr krukkunni og spila tölvuleiki“ Þórey aftur inn í landsliðið: „Þurftum bara aðeins að hreinsa andrúmsloftið“ „Stærsta í þessu er ef Rúnar Már nær að spila meira“ McIlroy meiddur í aðdraganda Masters Besta-spáin 2025: Vindur í Skagaseglin Valskonur fá seinni leikinn heima Sagði Fernandes að hann færi hvergi Lífvörðurinn bannaður: „Leyfið mér að hjálpa Messi“ Tárin streymdu hjá gömlu United-hetjunni KA kaus að losa sig við þjálfarann „Ég veit bara að þetta er mjög vont“ 570 milljóna uppsafnað tap hjá Everton Dagskráin í dag: Úrslitakeppnin rúllar áfram Reiknar ekki með öðru en Chris Paul taki annað tímabil Tekjur Wrexham í hæstu hæðum „Ætluðum að gera þetta fyrir hana í kvöld“ „Frábært að stela heimavellinum“ „Gerðum ekki ráð fyrir einhverri rosalegri flugeldasýningu“ Uppgjörið: Keflavík - Tindastóll 92-63 | Keflvíkingar gáfu engin grið Haaland væntanlega úr leik í deildinni Brast ítrekað í grát og neitar öllum ásökunum um ofbeldi Uppgjörið: Haukar - Grindavík 86-91 | Háspenna og framlenging í upphafi úrslitakeppni Saka klár í slaginn á ný McIlroy annar til að þéna hundrað milljónir á PGA-mótaröðinni Sjá meira
„Það er rífandi gangur í vinnunni. Við erum búin að funda þrisvar sinnum og erum að teikna upp alla þá verkþætti og verkferla sem þurfa að vera í lagi. Við erum að funda með framkvæmdasýslunni núna á mánudaginn og erum að skoða leiðir með hugmyndasamkeppni og svo framvegis,“ segir Gunnar og vísar þar til Framkvæmdasýslu ríkisins sem sér um byggingu og rekstur fasteigna í ríkiseigu. „Svo gerum við ráð fyrir að funda með ráðgjafaráði, sem eru hagsmunaaðilar úr íþróttahreyfingunni. Ég vona að það verði í næstu viku. Þetta er bara á fullri ferð og það er engan bilbug á nefndinni að finna,“ Gunnar Einarsson, formaður framkvæmdanefndar nýrrar þjóðarhallar. Áfram stefnt að því að klára 2025 Ummæli Sigurður Inga Jóhannssonar, innviðaráðherra, á Sprengisandi á Bylgjunni í síðustu viku virtust benda til að vinnu við höllina skyldi slegið á frest. „Við munum ekki eyða peningum í nýjar framkvæmdir 2023 af því við ætlum ekki að búa hér til hærra vaxtastig,“ sagði Sigurður Ingi og bætti við að tímalína verkefnisins myndi víkka. Gunnar segir framkvæmdanefndina hins vegar starfa út frá þeim grundvelli að höllin verði klár á tilsettum tíma, árið 2025, þangað til annað kemur í ljós. „Við bara störfum miðað við þær óskir og þær hafa komið mjög skýrt fram bæði frá Reykjavíkurborg og ríkinu. Það er ekkert núna sem segir okkur að það gæti ekki orðið. En það er bara með svona framkvæmdir að stundum kemur upp einhver ómöguleiki vegna einhverra tafa, hvort sem að það eru kærur eða einhver ferli,“ „En nefndin starfar í samræmi við þetta, svo þegar tíminn líður sjá menn betur hvað stenst af tímamörkum,“ segir Gunnar. Fjárútlát ríksins sendi skýr skilaboð Í því samhengi segir Gunnar að skýrt sé kveðið á um þjóðarhöllina í stjórnarsáttmála og viljayfirlýsingunni sem gefin var út í maí. 100 milljónir sem ríkið setji í undirbúningsvinnuna sendi þá ákveðin skilaboð. „Nú er ríkið að setja í þetta 100 milljónir í undirbúning og það sendir ákveðin skilaboð. Svo er samkomulag í ríkisstjórn um að fara í þetta verkefni og þetta er í stjórnarsáttmálanum. Svo er viljayfirlýsing milli Reykjavíkurborgar og ríkisins um ákveðna þætti og ákveðna nálgun, þannig að mér fyndist það svolítið skrýtið ef einhver myndi segja „nei, allt í plati“ og búnir að eyða 100 milljónum í undirbúning, það kæmi mér mjög á óvart,“ Ákallið eftir nýrri þjóðarhöll hefur heyrst ítrekað í fjöldamörg ár en verkefnið hefur oftar en ekki strandað á stappi milli ríkis og borgar. „Ég finn ekki neitt annað. Ég er búinn að funda bæði með fjármálaráðherra, borgarstjóra og Ásmundi [Einari Daðasyni, barnamálaráðherra] og ég finn ekkert annað en spenning og velvilja hjá þessum aðilum,“ „Ég bara horfi á viljayfirlýsinguna, á stjórnarsáttmálann, þessar 100 milljónir og þessa nefnd, ég er ekkert að velta neinu öðru fyrir mér, hvað menn segja hér og þar og út og suður,“ segir Gunnar. Mannvirki sem á að standa í 100 ár svo vanda þarf til verka Gunnar segir endanlega ákveðið að höllin verði í Laugardal, líkt og búist var við. Þó nokkrar aðrar staðsetningar hafa verið lagðar til í almenningsumræðunni á síðustu dögum, en nýja höllin verður í grennd við þá gömlu. „Ég og nefndin erum bara með þetta verkefni og núna er búið að ákveða staðsetninguna, sem er Laugardalurinn og við erum núna bara í þessum töluðu orðum að velta fyrir okkur nákvæmari staðsetningu þar. Það er nú strax stór áfangi að vera búinn að ákveða staðsetninguna,“ „Það þarf auðvitað að vera ákveðinn metnaður í svona verkefni. Ég finn ekki annað en að sá metnaður sé til staðar. Þetta er eitthvað mannvirki sem á að standa í 100 ár svo það er eins gott að gera þetta almennilega,“ segir Gunnar.
Handbolti Körfubolti Reykjavík Ný þjóðarhöll Landslið kvenna í handbolta Landslið karla í handbolta Landslið kvenna í körfubolta Landslið karla í körfubolta Mest lesið Lífvörðurinn bannaður: „Leyfið mér að hjálpa Messi“ Fótbolti „Var meira fyrir að borða nutella úr krukkunni og spila tölvuleiki“ Íslenski boltinn Stúkan fær liðsstyrk í þremur kanónum Íslenski boltinn Besta auglýsing Fram: Rúnar kann öll vafasömu trixin Íslenski boltinn Tekjur Wrexham í hæstu hæðum Fótbolti „Ég veit bara að þetta er mjög vont“ Fótbolti Tárin streymdu hjá gömlu United-hetjunni Fótbolti 570 milljóna uppsafnað tap hjá Everton Fótbolti Besta-spáin 2025: Vindur í Skagaseglin Íslenski boltinn Þórey aftur inn í landsliðið: „Þurftum bara aðeins að hreinsa andrúmsloftið“ Handbolti Fleiri fréttir „Búin að taka mig inn í fjölskylduna“ Úthúðar þjálfaranum: Fékk betri æfingar í flóttamannabúðunum Dæmdur í áttatíu leikja bann og tapar 769 milljónum króna HM stækkað og verðlaunaféð tvöfaldað Stúkan fær liðsstyrk í þremur kanónum Besta auglýsing Fram: Rúnar kann öll vafasömu trixin „Var meira fyrir að borða nutella úr krukkunni og spila tölvuleiki“ Þórey aftur inn í landsliðið: „Þurftum bara aðeins að hreinsa andrúmsloftið“ „Stærsta í þessu er ef Rúnar Már nær að spila meira“ McIlroy meiddur í aðdraganda Masters Besta-spáin 2025: Vindur í Skagaseglin Valskonur fá seinni leikinn heima Sagði Fernandes að hann færi hvergi Lífvörðurinn bannaður: „Leyfið mér að hjálpa Messi“ Tárin streymdu hjá gömlu United-hetjunni KA kaus að losa sig við þjálfarann „Ég veit bara að þetta er mjög vont“ 570 milljóna uppsafnað tap hjá Everton Dagskráin í dag: Úrslitakeppnin rúllar áfram Reiknar ekki með öðru en Chris Paul taki annað tímabil Tekjur Wrexham í hæstu hæðum „Ætluðum að gera þetta fyrir hana í kvöld“ „Frábært að stela heimavellinum“ „Gerðum ekki ráð fyrir einhverri rosalegri flugeldasýningu“ Uppgjörið: Keflavík - Tindastóll 92-63 | Keflvíkingar gáfu engin grið Haaland væntanlega úr leik í deildinni Brast ítrekað í grát og neitar öllum ásökunum um ofbeldi Uppgjörið: Haukar - Grindavík 86-91 | Háspenna og framlenging í upphafi úrslitakeppni Saka klár í slaginn á ný McIlroy annar til að þéna hundrað milljónir á PGA-mótaröðinni Sjá meira