Fótbolti

Alexandra og stöllur halda í við toppliðið

Hjörtur Leó Guðjónsson skrifar
Alexandra Jóhannsdóttir lék allan leikinn í liði Fiorentina í dag.
Alexandra Jóhannsdóttir lék allan leikinn í liði Fiorentina í dag. ACF Fiorentina

Alexandra Jóhannsdóttir og stöllur hennar í Fiorentina unnu öruggan 2-0 sigur er liðið tók á móti Sassuolo í ítölsku úrvalsdeildinni í knattspyrnu í dag.

Alexandra lék allan leikinn á miðri miðjunni fyrir heimakonur, en það voru þær Alice Parisi og Daniela Sabatino sem sáu um markaskorun Fiorentina í fyrri hálfleik.

Fiorentina hefur farið vel af stað á tímabilinu og hefur unni fjóra af fyrstu fimm leikjum sínum. Liðið er því með tólf stig að fimm umferðum loknum og situr í öðru sæti deildarinnar, einu stigi á eftir toppliði Inter.

Ítalski boltinn

Mest lesið


Fleiri fréttir

Sjá meira


×

Mest lesið