Fótbolti

Guðrún og stöllur juku forskot sitt á meðan Kristianstad tapaði stigum

Hjörtur Leó Guðjónsson skrifar
Guðrún Arnardóttir og stöllur hennar eru með fimm stiga forskot á toppnum.
Guðrún Arnardóttir og stöllur hennar eru með fimm stiga forskot á toppnum. Twitter @fotbollskanal

Guðrún Arnardóttir og stöllur hennar í Rosengård eru nú með fimm stiga forskot á toppi sænsku úrvalsdeildarinnar í knattspyrnu eftir 2-4 sigur gegn Örebro í dag. Á sama tíma þurfti Íslendingalið Kristianstad að sætta sig við 1-1 jafntefli gegn Eskilstuna og tapaði þar með dýrmætum stigum í toppbaráttunni.

Guðrún lék allan leikinn í hjarta varnarinnar fyrir Rosengård í dag er liðið styrkti stöðu sína á toppnum í sænsku úrvalsdeildinni. Berglind Ágústsdóttir skoraði annað mark Örebro í leiknum, en það dugði ekki til og Rosengård vann öruggan 2-4 sigur.

Guðrún og stöllur eru nú með 54 stig þegar fjórar umferðir eru eftir af tímabilinu, fimm stigum meira en Kristianstad og Linköping sem sitja jöfn í öðru sæti.

Kristianstad gerði einmitt 1-1 jafntefli gegn Eskilstuna og tapaði þar með dýrmætum stigum í toppbaráttunni. Elísabet Gunnarsdóttir stýrir Kristianstad, en Amanda Andradóttir lék allan leikinn fyrir liðið í dag og Emelía Óskarsdóttir kom inn af varamannabekknum.

Sænski boltinn

Mest lesið


Fleiri fréttir

Sjá meira


×

Mest lesið