Titrandi hringur og þyngdir fiskar nýjustu hneykslin eftir skáksvindlið Fanndís Birna Logadóttir skrifar 3. október 2022 12:55 Á fimmtudag varð uppi fótur og fit í pókerleik í Kaliforníu þar sem titrandi hringur er sagður koma við sögu og degi síðar komst upp um svindl í veiðikeppni í Ohio þar sem blýkúlur fundust í fiskum. Samsett/Skjáskot Ásakanir um svindl skóku póker og veiðiheimana í Bandaríkjunum í síðustu viku, innan við mánuði eftir að greint var frá meintu svindli með hjálpartækjum ástarlífsins í skákheiminum. Titrandi hringur er sagður hafa verið notaður í stórum pókerleik og blýkúlum komið fyrir í fiskum í veiðikeppni. Nýliðinn Robbi Jade Lew var sökuð um að svindl eftir að hún hafði betur gegn Garrett Adelstein, vinsælum spilara, í pókerleik síðastliðinn fimmtudag en Lew vann 269 þúsund dollara pott, sem samsvarar rúmlega 39 milljónum króna. THIS JUST HAPPENED...@RobbiJadeLew vs @GmanPoker in one of the strangest poker hands you've ever seenTune in now for SUPER HIGH STAKES $100/200/400: https://t.co/VcpZNMUTi4 pic.twitter.com/iGppl6l9aa— Hustler Casino Live (@HCLPokerShow) September 30, 2022 Leiknum var streymt af Hustler Casino Live frá Kaliforníu en áhorfendur urðu varir við að útkoman hafi komið Adelstein sérstaklega á óvart, þar sem Lew var með talsvert verri spil til að byrja með og hefði að öllu jöfnu átt að gefast upp fyrr. Þeir sem voru að lýsa leiknum lýstu einnig furðu yfir ákvörðunum Lew að halda áfram á nokkrum tímapunktum. Í yfirlýsingu á Twitter eftir leikinn sagði Adelstein augljóst að Lew hafi svindlað. Margir hafa velt því upp að Lew hafi notað titrandi hring til að láta hana vita að hún væri með bestu spilin í umferðinni, þó það hafi ekki verið sannað samkvæmt frétt Insider. Best concise summary of events. Notes:-She several times states she wasn t threatened (HCL & @Joeingram1 vids both), then tweets that she was anyway.-Vibrating device in her pocket @berkey11 podcast-Only right I accept her HU4ROLLZ while retweeting Doug. https://t.co/CooJ8UW3Is— Garrett Adelstein (@GmanPoker) September 30, 2022 Í tilkynningu sagði Hustler Casino Live að engin sönnunargögn væru til staðar sem sönnuðu svindl, þrátt fyrir ásakanir. Það kæmi þó til greina að nota lygamæli og að lögfræðingar yrðu fengnir í málið. Hvorki Lew né Adelstein væru velkomin aftur til keppni fyrr en niðurstaða lægi fyrir. Þau töluðu þó saman eftir leikinn og samþykkti Lew að gefa Adelstein peningana sem hann hafði tapað. Hiti í mönnum eftir að fiskar voru skornir upp Daginn eftir bárust fregnir af annars konar og alls kostar ótengdu svindli í Bandaríkjunum. Chase Cominsky og Jake Runyon, veiðimenn í Ohio-ríki, unnu þrjátíu þúsund dollara, rúmlega 4,3 milljónir króna, í lokaumferð Lake Erie Walleye Trail keppninnar. Það vakti þó upp grunsemdir mótshaldara þegar fimm fiskar, sem þeir áætluðu að væru um tuttugu pund, vógu tæplega 34 pund. Við vigtun var ákveðið að skera upp fiskana og kom þá í ljós að blýkúlum og jafnvel flökum af öðrum fiskum hafi verið komið fyrir í fiskunum. Tilgangurinn sé að láta þá líta út fyrir að vera þyngri en raun bar vitni. Myndbönd af atvikinu hafa farið í deilingu á netinu og má þar sjá að mikill hiti var í mönnum. Að því er kemur fram í frétt BBC eru fyrri sigrar parsins til skoðunar. Fréttamiðlar á svæðinu sögðu þá hafa verið dæmda úr leik í keppninni í fyrra eftir að einn þeirra féll á lygamælaprófi. Hvorki Cominsky né Runyon hafa svarað fyrir ásakanirnar. 'We got weights in fish!' Mr. Fischer shouted, holding up an egg-sized lead ball he plucked from the fish in a dramatic moment captured on videos posted online." https://t.co/mmCaNI4zPJ— Olimpiu Di Luppi (@olimpiuurcan) October 2, 2022 Hjálpartæki ástarlífsins í meintu skáksvindli Fregnirnar af meintu svindli pókerspilara og veiðimanna koma innan við mánuði eftir að meint svindl skók skákheiminn. Heimsmeistarinn Magnus Carlsen hætti í miðri keppni á Sinquefield-mótinu í síðasta mánuði en hann taldi brögð hafa verið í tafli eftir að hann tapaði fyrir hinum nítján ára Hans Niemann. Carlsen deildi myndskeiði á Twitter, þar sem knattspyrnuþjálfarinn Jose Mourinho sagðist ekki geta tjáð sig, þar sem það myndi aðeins koma honum í vandræði. Margir túlkuðu tíst Carlsen á þann veg að þarna væri hann að saka Niemann um svindl. Getgátur voru á lofti að Niemann hafi verið með fjarstýrt unaðstæki ástarlífsins í endaþarminum og vitorðsmaður hans gefið honum upplýsingar um besta leikinn með því að láta tækið titra. Um var að ræða alþjóðlegt skákmót þar sem heildarverðlaunafé nam í kringum fimm hundruð þúsund dollurum, hátt í 73 milljónum króna. Niemann hafði áður gerst uppvís að svindli á skáksíðunni Chess.com en hann neitaði alfarið að hafa svindlað í keppninni við Carlsen. DV greinir þá frá því í dag að stórmeistarinn Fabiano Caruana telji Niemann hafi einnig svindlað gegn hinum íslenska Hjörvari Steini Grétarssyni þegar þeir mættust á Reykjavíkurskákmótinu í apríl. „Þessi skák er annað hvort tefld af snillingi eða það er eitthvað undarlegt á seyði. Það er annað hvort,“ sagði Caruana í hlaðvarpsþættinum C-squared samkvæmt frétt DV. Fjárhættuspil Stangveiði Bandaríkin Ásakanir um svindl í skákheiminum Mest lesið Gætu hent Crystal Palace út úr Evrópudeildinni Enski boltinn Leikmenn ensku stórliðanna kvarta við leikmannasamtökin Enski boltinn Sá glytta í þá Söru Sigmunds sem við þekkjum svo vel Sport Vildi halda áfram með Stólana Körfubolti Leikmaður Barcelona fékk nýfætt barn í fangið frá stuðningsmanni Fótbolti Blessaði Ancelotti við styttuna af Jesú Kristi í Ríó Fótbolti UEFA breytir reglu í Meistaradeildinni Fótbolti Dagskráin: Tvö af bestu kvennalandsliðum heims mætast Sport Edda Sif fyrst kvenna kjörin formaður SÍ Sport Tekur við liðinu sem hann barðist við í mörg ár Fótbolti Fleiri fréttir Hélt boltanum á lofti í 28 klukkutíma Sá glytta í þá Söru Sigmunds sem við þekkjum svo vel Dagskráin: Tvö af bestu kvennalandsliðum heims mætast Blessaði Ancelotti við styttuna af Jesú Kristi í Ríó Leikmenn ensku stórliðanna kvarta við leikmannasamtökin Gætu hent Crystal Palace út úr Evrópudeildinni „Okkar markmið hefur alltaf verið að vera í toppbaráttunni“ Leikmaður Barcelona fékk nýfætt barn í fangið frá stuðningsmanni Umfjöllun: Valur-Fram 2-1 | Níu stig í Valshúsi á níu dögum UEFA breytir reglu í Meistaradeildinni Tekur við liðinu sem hann barðist við í mörg ár Vildi halda áfram með Stólana Leikmenn í liði íslenskrar landsliðskonu féllu á lyfjaprófi Neymar reyndi að skora eins og Maradona en fékk rauða spjaldið Jamil og Margrét áfram: Bæði með mikinn metnað og mikið keppnisskap Lögmálið: Þetta lítur ekki vel út fyrir Zion Man. City vill fá bakvörð frá Úlfunum Svona var blaðamannafundur Íslands fyrir Frakklandsleikinn Edda Sif fyrst kvenna kjörin formaður SÍ KA fer beint í aðra umferð Beckham óánægður með hegðun leikmanna Manchester United „Getum alveg fundið glufur“ gegn Frakklandi Átti stórleik degi eftir að systir hans lést Magnus Carlsen brjálaðist og lamdi í skákborðið Heiðrún og Jóhannes unnu Hvaleyrarbikarinn í fyrsta sinn „Heimsmeistaramót félagsliða hefur okkur að féþúfu“ „Lengi dreymt um að keppa við þá“ Átta leikir í röð án sigurs ekki áhyggjuefni Hákon mun slást við Kelleher um stöðuna Sjóðheitur Scheffler tryggði titil sem aðeins Tiger hafði tekist að verja Sjá meira
Nýliðinn Robbi Jade Lew var sökuð um að svindl eftir að hún hafði betur gegn Garrett Adelstein, vinsælum spilara, í pókerleik síðastliðinn fimmtudag en Lew vann 269 þúsund dollara pott, sem samsvarar rúmlega 39 milljónum króna. THIS JUST HAPPENED...@RobbiJadeLew vs @GmanPoker in one of the strangest poker hands you've ever seenTune in now for SUPER HIGH STAKES $100/200/400: https://t.co/VcpZNMUTi4 pic.twitter.com/iGppl6l9aa— Hustler Casino Live (@HCLPokerShow) September 30, 2022 Leiknum var streymt af Hustler Casino Live frá Kaliforníu en áhorfendur urðu varir við að útkoman hafi komið Adelstein sérstaklega á óvart, þar sem Lew var með talsvert verri spil til að byrja með og hefði að öllu jöfnu átt að gefast upp fyrr. Þeir sem voru að lýsa leiknum lýstu einnig furðu yfir ákvörðunum Lew að halda áfram á nokkrum tímapunktum. Í yfirlýsingu á Twitter eftir leikinn sagði Adelstein augljóst að Lew hafi svindlað. Margir hafa velt því upp að Lew hafi notað titrandi hring til að láta hana vita að hún væri með bestu spilin í umferðinni, þó það hafi ekki verið sannað samkvæmt frétt Insider. Best concise summary of events. Notes:-She several times states she wasn t threatened (HCL & @Joeingram1 vids both), then tweets that she was anyway.-Vibrating device in her pocket @berkey11 podcast-Only right I accept her HU4ROLLZ while retweeting Doug. https://t.co/CooJ8UW3Is— Garrett Adelstein (@GmanPoker) September 30, 2022 Í tilkynningu sagði Hustler Casino Live að engin sönnunargögn væru til staðar sem sönnuðu svindl, þrátt fyrir ásakanir. Það kæmi þó til greina að nota lygamæli og að lögfræðingar yrðu fengnir í málið. Hvorki Lew né Adelstein væru velkomin aftur til keppni fyrr en niðurstaða lægi fyrir. Þau töluðu þó saman eftir leikinn og samþykkti Lew að gefa Adelstein peningana sem hann hafði tapað. Hiti í mönnum eftir að fiskar voru skornir upp Daginn eftir bárust fregnir af annars konar og alls kostar ótengdu svindli í Bandaríkjunum. Chase Cominsky og Jake Runyon, veiðimenn í Ohio-ríki, unnu þrjátíu þúsund dollara, rúmlega 4,3 milljónir króna, í lokaumferð Lake Erie Walleye Trail keppninnar. Það vakti þó upp grunsemdir mótshaldara þegar fimm fiskar, sem þeir áætluðu að væru um tuttugu pund, vógu tæplega 34 pund. Við vigtun var ákveðið að skera upp fiskana og kom þá í ljós að blýkúlum og jafnvel flökum af öðrum fiskum hafi verið komið fyrir í fiskunum. Tilgangurinn sé að láta þá líta út fyrir að vera þyngri en raun bar vitni. Myndbönd af atvikinu hafa farið í deilingu á netinu og má þar sjá að mikill hiti var í mönnum. Að því er kemur fram í frétt BBC eru fyrri sigrar parsins til skoðunar. Fréttamiðlar á svæðinu sögðu þá hafa verið dæmda úr leik í keppninni í fyrra eftir að einn þeirra féll á lygamælaprófi. Hvorki Cominsky né Runyon hafa svarað fyrir ásakanirnar. 'We got weights in fish!' Mr. Fischer shouted, holding up an egg-sized lead ball he plucked from the fish in a dramatic moment captured on videos posted online." https://t.co/mmCaNI4zPJ— Olimpiu Di Luppi (@olimpiuurcan) October 2, 2022 Hjálpartæki ástarlífsins í meintu skáksvindli Fregnirnar af meintu svindli pókerspilara og veiðimanna koma innan við mánuði eftir að meint svindl skók skákheiminn. Heimsmeistarinn Magnus Carlsen hætti í miðri keppni á Sinquefield-mótinu í síðasta mánuði en hann taldi brögð hafa verið í tafli eftir að hann tapaði fyrir hinum nítján ára Hans Niemann. Carlsen deildi myndskeiði á Twitter, þar sem knattspyrnuþjálfarinn Jose Mourinho sagðist ekki geta tjáð sig, þar sem það myndi aðeins koma honum í vandræði. Margir túlkuðu tíst Carlsen á þann veg að þarna væri hann að saka Niemann um svindl. Getgátur voru á lofti að Niemann hafi verið með fjarstýrt unaðstæki ástarlífsins í endaþarminum og vitorðsmaður hans gefið honum upplýsingar um besta leikinn með því að láta tækið titra. Um var að ræða alþjóðlegt skákmót þar sem heildarverðlaunafé nam í kringum fimm hundruð þúsund dollurum, hátt í 73 milljónum króna. Niemann hafði áður gerst uppvís að svindli á skáksíðunni Chess.com en hann neitaði alfarið að hafa svindlað í keppninni við Carlsen. DV greinir þá frá því í dag að stórmeistarinn Fabiano Caruana telji Niemann hafi einnig svindlað gegn hinum íslenska Hjörvari Steini Grétarssyni þegar þeir mættust á Reykjavíkurskákmótinu í apríl. „Þessi skák er annað hvort tefld af snillingi eða það er eitthvað undarlegt á seyði. Það er annað hvort,“ sagði Caruana í hlaðvarpsþættinum C-squared samkvæmt frétt DV.
Fjárhættuspil Stangveiði Bandaríkin Ásakanir um svindl í skákheiminum Mest lesið Gætu hent Crystal Palace út úr Evrópudeildinni Enski boltinn Leikmenn ensku stórliðanna kvarta við leikmannasamtökin Enski boltinn Sá glytta í þá Söru Sigmunds sem við þekkjum svo vel Sport Vildi halda áfram með Stólana Körfubolti Leikmaður Barcelona fékk nýfætt barn í fangið frá stuðningsmanni Fótbolti Blessaði Ancelotti við styttuna af Jesú Kristi í Ríó Fótbolti UEFA breytir reglu í Meistaradeildinni Fótbolti Dagskráin: Tvö af bestu kvennalandsliðum heims mætast Sport Edda Sif fyrst kvenna kjörin formaður SÍ Sport Tekur við liðinu sem hann barðist við í mörg ár Fótbolti Fleiri fréttir Hélt boltanum á lofti í 28 klukkutíma Sá glytta í þá Söru Sigmunds sem við þekkjum svo vel Dagskráin: Tvö af bestu kvennalandsliðum heims mætast Blessaði Ancelotti við styttuna af Jesú Kristi í Ríó Leikmenn ensku stórliðanna kvarta við leikmannasamtökin Gætu hent Crystal Palace út úr Evrópudeildinni „Okkar markmið hefur alltaf verið að vera í toppbaráttunni“ Leikmaður Barcelona fékk nýfætt barn í fangið frá stuðningsmanni Umfjöllun: Valur-Fram 2-1 | Níu stig í Valshúsi á níu dögum UEFA breytir reglu í Meistaradeildinni Tekur við liðinu sem hann barðist við í mörg ár Vildi halda áfram með Stólana Leikmenn í liði íslenskrar landsliðskonu féllu á lyfjaprófi Neymar reyndi að skora eins og Maradona en fékk rauða spjaldið Jamil og Margrét áfram: Bæði með mikinn metnað og mikið keppnisskap Lögmálið: Þetta lítur ekki vel út fyrir Zion Man. City vill fá bakvörð frá Úlfunum Svona var blaðamannafundur Íslands fyrir Frakklandsleikinn Edda Sif fyrst kvenna kjörin formaður SÍ KA fer beint í aðra umferð Beckham óánægður með hegðun leikmanna Manchester United „Getum alveg fundið glufur“ gegn Frakklandi Átti stórleik degi eftir að systir hans lést Magnus Carlsen brjálaðist og lamdi í skákborðið Heiðrún og Jóhannes unnu Hvaleyrarbikarinn í fyrsta sinn „Heimsmeistaramót félagsliða hefur okkur að féþúfu“ „Lengi dreymt um að keppa við þá“ Átta leikir í röð án sigurs ekki áhyggjuefni Hákon mun slást við Kelleher um stöðuna Sjóðheitur Scheffler tryggði titil sem aðeins Tiger hafði tekist að verja Sjá meira