Gaf mark og fékk svo glórulaust rautt spjald: „Þetta er hræðilegt“

Sporting var með fullt hús stiga í D-riðli keppninnar fyrir leik gærkvöldsins en Marseille var á botni riðilsins án stiga. Portúgalska liðið gat því farið langt með að tryggja sæti sitt í 16-liða úrslitum með sigri en Marseille þurfti þrjú stig til að halda vonum sínum á lífi.

Sporting komst yfir í leiknum með marki Trincao á fyrstu mínútu en Alexis Sánchez jafnaði fyrir Marseille á 13. mínútu þegar Adan sparkaði boltanum í hann og inn. Adan var þá illa staðsettur í öðru marki Marseille þremur mínútum síðar og fékk svo rautt spjald fyrir að handleika knöttinn rúmum metra yfir utan teig á 23. mínútu.

Franco Israel kom inn í markið í kjölfarið en tíu leikmönnum Sporting tókst ekki að koma í veg fyrir tvö mörk franska liðsins til viðbótar.

„Adán ekki lengi í paradís“

Leikurinn var til umræðu í Meistaradeildarmörkunum í gær, þar sem allir leikir gærkvöldsins voru gerðir upp. 

„Þetta er hræðilegt. Það er ekki eins og hann hafi ekki nægan tíma,“ segir Pálmi Rafn Pálmason um atvikið þegar Adán gaf Sánchez mark.

„Nei, það er ekki eins og Sánchez poppi allt í einu upp þarna,“ segir Albert Brynjar Ingason.

„Það má segja að Adán hafi ekki verið lengi í paradís,“ sagði Pálmi Rafn þá og fékk hæstu einkunn frá þáttastjórnandanum Kjartani Atla Kjartanssyni fyrir það orðagrín.

Atvikin úr leiknum og umræðuna úr Meistaradeildarmörkunum má sjá í spilaranum að ofan.