Geta orðið níunda félagið frá 1970 til að vinna titilinn í borgaralegum klæðum

Blikar hafa ellefu stiga forskot á Víkinga sem mæta Stjörnunni í Garðabænum í kvöld. Takist Víkingum ekki að vinna leikinn þá eru ekki nógu mörg stig í pottinum fyrir þá (9) til að vinna upp 10 eða 11 stiga forskot Breiðabliksliðsins.

Leikur Stjörnunnar og Víkings verður sýndur beint á Stöð 2 Sport en hann hefst klukkan 19.15.

Frá árinu 1970 hafa átta félög unnið titilinn eftir hagstæð úrslit á degi þegar þau eru ekki að spila. Eitt lið að auki hefur síðan síðan orðið Íslandsmeistari eftir að keppni var hætt vegna kórónuveirunnar. Níu félög á síðustu fimmtíu árum hafa því unnið Íslandsmeistaratitilinn í borgaralegum klæðum

Valsmenn unnu titilinn í borgaralegum klæðum sumarið 2020 eftir að keppni var hætt þegar fjórar umferðir voru eftir af mótinu.

Heimir Guðjónsson þjálfaði það Valslið og hann var einnig þjálfari FH-liðsins sumarið 2016 sem er síðasta liðið til að verða Íslandsmeistari þökk sé úrslit í öðrum leik þegar þau eru ekki að spila.

Breiðablik náði ekki að vinna ÍBV daginn eftir að FH-ingar gerðu jafntefli við Valsmenn. FH gátu tryggt sér titilinn með sigri í Valsleiknum en fögnuðu í staðinn titilinn kvöldið eftir.

Þetta var í fyrsta sinn í 21 ár þar sem lið fagnaði Íslandsmeistaratitlinum án þess að spila eða síðan að Skagamenn urðu meistarar 1995. Valsmenn tryggðu Skagamönnum þá titilinn með því að vinna KR 2-1 daginn eftir að ÍA vann sinn leik í umferðinni. Þá voru þrjár umferðir eftir af mótinu.

Hér fyrir neðan má sjá alla svokallaða sófameistara á Íslandsmóti karla undanfarin hálfa öld.