Glódís hélt hreinu gegn Köln í þýsku úrvalsdeildinni

Linda Dallmann, Lina Magull og Tainara da Silva skoruðu mörk Bayern ásamt sjálfsmarki frá Myrthe Moorrees, leikmanni Köln.

Með sigrinum fer Bayern upp í 2. sæti þýsku úrvalsdeildarinnar með 10 stig, tveimur stigum á eftir toppliði Wolfsburg. Köln er hins vegar í 6. sæti með sex stig þegar öll lið deildarinnar eru búinn að leika fjóra leiki.

Á Ítalíu vann Juventus 0-4 útisigur á Sampdoria en Sara Björk Gunnarsdóttir sat allan tímann á varamannabekk Juventus í leiknum. Juventus er með 14 stig í 4. sæti ítölsku úrvalsdeildarinnar þegar sex umferðir eru búnar.