„Konan mín myndi líklega kalla mig fýlupúka og aula“

Lazio er með 24 stig eftir ellefu leiki í deildinni og situr í þriðja sæti, fimm stigum frá toppliði Napoli. Liðið hefur spilað afar vel, skorað 23 mörk og aðeins fengið á sig fimm, fæst í deildinni.

Sarri hefur hlotið mikið lof fyrir fótboltann sem Lazio spilar en nálgun hans til leiksins er gjarnan kölluð Sarrismo, sem byggir á því að lið hans haldi mikið í boltann og hreyfi boltann hratt með stuttum og snörpum sendingum.

Sarri gefur lítið fyrir þessa hugmyndafræði sem nefnd er eftir honum en var spurður út í hugtakið á blaðamannafundi eftir sigurinn á Atalanta.

„Ég get ekki gefið ykkur skilgreiningu á því, en konan mín gæti það kannski. Fýlupúki, dálítill auli,“ sagði Sarri á fundinum og brosti við.

„Tiki-taka? Nei, okkar leikur snýr að hlaupum með bolta fram og til baka og svo lóðréttri leit. Okkar lið hreyfir boltann mest eftir lóðréttum leiðum í Seríu A,“

Sarri einbeitir sér nú að Evrópudeildinni en Lazio tekur á móti Elíasi Rafni Ólafssyni og félögum í Midtjylland á Ólympíuvellinum í Róm á fimmtudagskvöldið.