Innlent

Bandaríkjamönnum ráðlagt að fara varlega í miðbæ Reykjavíkur

Margrét Björk Jónsdóttir skrifar
Bandaríska sendiráðið hefur gefið út tilkynningu og biður fólk að fara var­lega í mið­bænum um helgina og forðast mann­mergð
Bandaríska sendiráðið hefur gefið út tilkynningu og biður fólk að fara var­lega í mið­bænum um helgina og forðast mann­mergð Vilhelm

Bandaríska sendiráðið biður Bandaríkjamenn að fara varlega í miðbæ Reykjavíkur um helgina. Í tilkynningu sem sendiráðið birti á Facebook fyrr í dag eru ferðamenn beðnir um að forðast mannmergð og flýta sér í burtu ef þeir verða vitni að einhverju óeðlilegu.

Þá er þeim bent á að fylgjast vel með tilmælum lögreglunnar og fréttamiðlum.

Tilefni viðvörunnarinnar er fréttaflutningur af tilhuguðum árásum og auknum viðbúnaði vegna spennu í undirheimum í kjölfar hnífaárásarinnar á Bankastræti Club í síðustu viku.

Lögregla hefur gefið út að stóraukinn viðbúnaður verði um helgina vegna málsins. 

Lögreglumál Hnífstunguárás á Bankastræti Club Næturlíf Reykjavík Sendiráð á Íslandi

Mest lesið


Fleiri fréttir

Sjá meira


×

Mest lesið