Lífið

Spennandi 2023: Eurovision í Liverpool, kóngur krýndur í London og miklu skárra jólafrí

Atli Ísleifsson skrifar
Stiklað er á stóru yfir það sem er á döfinni á komandi ári.
Stiklað er á stóru yfir það sem er á döfinni á komandi ári.

Karl III verður krýndur konungur, Indland mun taka fram úr Kína sem fjölmennasta ríki heims og kosningar eru fyrirhugaðar víða um heim. 

Reikna má með að þessi mál verði áberandi í fréttum á árinu sem nú er nýhafið þó að ýmislegt fleira muni að sjálfsögðu einnig bera á góma. Launafólk á Íslandi fær til dæmis töluvert betra jólafrí en á liðnu ári.

Vísir hefur tekið saman brot af því markverðasta sem verður á dagskrá árinu 2023 sem er nú gengið í garð.

Janúar

  • 5. janúar: Útför Benedikts sextánda páfa gerð frá Páfagarði.
  • 12.-29. janúar: HM í handbolta karla fer fram í Póllandi og Svíþjóð dagana. Ísland er í riðli með Portúgölum, Ungverjum og Suður-Kóreumönnum.
  • 13.-14. janúar: Forsetakosningar í Tékklandi.
  • 30. janúar: 75 ár frá morðinu á Mahatma Gandhi.

Febrúar

  • 1. -11. febrúar: Heimsmeistaramót félagsliða í fótbolta karla fer fram í Marokkó.
  • 2. febrúar: Þess verður minnst að áttatíu ár séu liðin frá lokum orrustunnar um Stalíngrad.
  • 12. febrúar: Leikurinn um Ofurskálina, Super Bowl, fer fram í Glendale í Arisóna.
  • 25. febrúar: Forsetakosningar í Nígeríu.
Sanna Marin, forsætisráðherra Finnlands, mun reyna að leiða Jafnaðarmannaflokkinn til sigurs í þingkosningunum sem fram fara í Finnlandi í vor.Vísir/Vilhelm

Mars

  • 5. mars: Þingkosningar í Eistlandi

Apríl

  • Þingkosningar í Finnlandi fara fram í síðasta lagi 2. apríl, en mögulega fyrr, verði ákveðið að rjúfa þing.
  • 8. apríl: Fimmtíu ár liðin frá andláti myndlistarmannsins Pablo Picasso.
  • 9. apríl: Páskadagur.

Maí

  • 6. maí: Krýningarathöfn Karls III Bretakonungs í Westminster Abbey í London.
  • 9.-13. maí: Eurovision fer fram í Liverpool í Bretlandi.
Tim Davie er framkvæmdastjóri breska ríkisútvarpsins. Eurovision fer fram í Liverpool í maí, þrátt fyrir að Úkraína hafi unnið sigur á síðasta ári.Vísir/Vilhelm

Júní

  • 3. júní: Úrslitaleikur Meistaradeildar kvenna í fótbolta fer fram í Eindhoven í Hollandi.
  • 10. júní: Úrslitaleikur Meistaradeildar karla í fótbolta fer fram í Istanbúl í Tyrklandi.
  • 18. júní: Forseta- og þingkosningar fara fram í Tyrklandi. Recep Tayyip Erdoğan forseti mun þar sækjast eftir endurkjöri.

Júlí

  • Þingkosningar fara fram í Grikklandi í júlí.
  • 20. júlí: Heimsmeistaramót kvenna í fótbolta hefst í Ástralíu og Nýja-Sjálandi. Opnunarleikurinn verður milli Nýsjálendinga og Norðmanna í Auckland. Mótinu lýkur 20. ágúst með úrslitaleik í Sydney.
Tekst bandaríska kvennalandsliðinu að verja heimsmeistaratitilinn á HM í Ástralíu og Nýja-Sjálandi sem hefst í júlí?Getty

Ágúst

  • 7. ágúst: Frídagur verslunarmanna.
  • 12. ágúst: Gleðigangan í Reykjavík.
  • 19. ágúst: Menningarnótt í Reykjavík og Reykjavíkurmaraþon.

September

  • 2. september: Fimmtíu ár liðin frá andláti rithöfundarins J.R.R. Tolkien.
  • 29. september: Ryder-keppnin í golfi hefst á Marco Simone-vellinum í Róm. Keppni lýkur 1. október.

Október

  • Þingkosningar fara fram í Pakistan í október, eða jafnvel fyrr.
  • Þingkosningar fara fram í Úkraínu í október.
  • 16. október: Hundrað ár liðin frá stofnun Disney Brothers Studios.
  • 28. október: Deildarmyrkvi á tungli verður sýnilegur í Evrópu.
  • 29. október: Hundrað á frá stofnun tyrkneska lýðveldisins.
Jaroslaw Kaczynski er leiðtogi póska stjórnarflokksins Laga og réttlætis. Þingkosningar fara fram í Póllandi síðla árs.EPA

Nóvember

  • 11. nóvember: Þingkosningar fara fram í Póllandi á árinu, í síðasta lagi 11. nóvember.
  • 22. nóvember: Sextíu ár liðin frá morðinu á John F. Kennedy í Dallas.

Desember

  • 5. desember: Tíu ár frá andláti Nelson Mandela.
  • 12. desember: Þingkosningar fara fram á Spáni á árinu, í síðasta lagi 12. desember.
  • 24. desember: Aðfangadagur jóla ber niður á sunnudegi að þessu sinni. Fyrir vikið hitta jóladagur, annar í jólum og nýársdag upp á virkum degi sem gefur hinum vinnandi manni töluvert betra jólafrí en á liðnu ári.
  • 27. desember: Hundrað á frá andláti franska verkfræðingsins Gustave Eiffel.
Fréttir ársins 2022


Mest lesið


Fleiri fréttir

Sjá meira


×

Mest lesið


Tarot dagsins

Dragðu spil og sjáðu hvaða spádóm það geymir.