Körfuboltakvöld: Bræðurnir frá Þorlákshöfn unnu vel saman

Bræðurnir Styrmir Snær og Tómas Valur Þrastarsynir skoruðu hvor um sig 21 stig þegar lið þeirra og uppeldisfélag, Þór Þorlákshöfn, náði í mikilvægan sigur gegn Breiðabliki í baráttu sinni um að forðast fall úr Subway-deild karla í körfubolta í gærkvöldi.

Afar gaman var að fylgjast með samvinnu þeirra inni á vellinum í þessum leik en þeir bræður hentu til að mynda í glæsilegt alley-oop.

Auk þess að skora 21 stig í leiknum náði Styrmir Snær þrefaldri tvennu með því að gefa 14 stoðsendingar og taka 13 fráköst. 

Hér að neðan má sjá Kjartan Atla Kjartanssn, Teit Örlygsson og Jón Halldór Eðvaldsson ræða flottan leik bræðra í Körfuboltakvöldi.