Hagavagninn tjónaður eftir bruna

Árni Sæberg skrifar 22. janúar 2023 10:01

Hagavagninn stendur við Hagamel, steinsnar frá Sundlaug Vesturbæjar. Vísir/Kolbeinn Tumi

Undir morgun var Slökkvilið höfuðborgarsvæðisins kallað til vegna elds í Hagavagninum, hamborgaraveitingastað í Vesturbænum.

Í tilkynningu á Facebook-síðu slökkviliðsins segir að því miður sé Hagavagninn tjónaður eftir að eldur læsti sér í hann og að unnið verði að slökkvistörfum eitthvað fram eftir morgni.

Að öðru leyti hafi áhafnir sjúkrabíla haft í nægu að snúast síðasta sólarhringinn. 84 boðunum hafi verið sinnt, þar af þrjátíu forgangsverkefnum og 25 verkefnum eftir miðnætti

Þá hafi dælubílar verið sendir í sex verkefni, þrjú vegna vatnstjóna, eitt vegna brunakerfis sem fór í gang, eitt vegna umferðarslyss og loks til að slökkva í Hagavagninum.

Reykjavík Slökkvilið Veitingastaðir

Tengdar fréttir

Emmsjé Gauti seldi hlutinn í Hagavagninum

Tónlistarmaðurinn Emmsjé Gauti hefur selt hlut sinn í Hagavagninum við Hofsvallagötu.

5. september 2020 11:29

Kom ekki til greina að fara í Bónus til að halda Hagavagninum opnum eftir að allt kláraðist

Hagavagninn opnaði á nýjan leik um helgina eftir langt hlé á föstudaginn í glænýjum búningi en viðskiptavinir þurftu margir hverjir frá að hverfa á laugardaginn vegna þess að hamborgararnir, og annað hráefni, kláruðust fyrr en áætlað var.

12. nóvember 2018 08:00

Hagavagninn verður rifinn og endurreistur

Hagavagninum er verið að breyta í hamborgarastað um þessar mundir en ekki tókst að gera hann upp, því þarf að rífa hann og byggja nýjan. Einn aðstandenda vagnsins, Emmsjé Gauti, segir þetta sorglegt en er bjartsýnn á að nýi vagninn muni ekki valda vonbrigðum.

31. maí 2018 06:00