Misnotaði litlu systur sambúðarkonu sinnar í sjö ár Bjarki Sigurðsson skrifar 25. janúar 2023 11:54 Héraðsdómur Vestfjarða er staðsettur á Ísafirði. Vísir/Vilhelm Héraðsdómur Vestfjarða hefur dæmt karlmann í fjögurra ára fangelsi fyrir að misnota litlu systur sambúðarkonu sinnar í sjö ár, frá því að stúlkan var ellefu ára gömul þar til hún var átján ára. Maðurinn braut meðal annars á stúlkunni á meðan að sambúðarkona hans, systir stúlkunnar, lá í sama rúmi og þau. Maðurinn var ákærður í fjórum liðum. Tveir þeirra fjölluðu um þrjár nauðganir sem áttu sér stað á árunum 2016 til 2019 og hinir tveir um kynferðislega áreitni sem átti sér stað árin 2014 til 2021. Maðurinn játaði að hafa framið nokkur brot sem fjallað er um í ákæru en neitaði að hafa framið önnur. Var ellefu ára þegar hann bað fyrst um nektarmynd Stúlkan og maðurinn kynntust árið 2009 þegar hún var sex ára gömul. Hvergi kemur fram í dómnum hversu gamall eða á hvaða aldri maðurinn er. Stúlkan segir samskipti þeirra á samskiptaforritinu Snapchat hafa hafist árið 2014 þegar hún var ellefu ára gömul. Fór maðurinn þá að biðja hana um nektarmyndir og múta henni með snyrtivörum. Hún sagðist hafa sent honum myndir af sér á nærbuxunum fyrir framan spegil en samskipti þeirra á forritinu héldu síðan áfram í nokkur ár. Árið 2016, þegar hún var þrettán ára, átti fyrsta nauðgunin sér stað. Þá dvaldi stúlkan í fellihýsi ásamt systur sinni og manninum. Eftir að stúlkan fór að sofa kom maðurinn til hennar og byrjaði að „putta“ hana og káfa á henni. Kvaðst hún hafa frosið og ekki vitað hvað hún ætti að gera. Maðurinn neitaði að nauðgunin hafi átt sér stað. Lá grafkyrr með sængina yfir höfðinu Jólin árið eftir voru þau bæði heima hjá foreldrum stúlkunnar. Þá kom maðurinn inn til hennar, káfaði á henni og puttaði hana. Þá lagði hann hönd hennar á lim sinn á meðan hún lá grafkyrr með sængina yfir höfði sínu og þorði ekki að segja neitt. Viðurkenndi maðurinn verknaðinn en sagði fyrir dómi að stúlkan hafi skömmu áður sent honum skilaboð um að hún vildi að hann snerti sig næst þegar hann kæmi. Samskipti þeirra á Snapchat héldu áfram en maðurinn viðurkenndi að hafa byrjað að bera kynferðislegar tilfinningar til hennar. Hann sendi henni myndir af sér nöktum og myndskeið af sér fróa sér. Þá bað hann stúlkuna um að senda sér nektarmyndir en í staðinn keypti hann handa henni gjafir. Í febrúar 2019 gisti stúlkan hjá systur sinni og manninum. Hún svaf þá í sama rúmi og þau en systirin svaf á milli þeirra. Þá var skilrúm á milli þótt um hafi verið að ræða sama rúmið. Stúlkan vaknaði við það að maðurinn var að káfa á henni og að putta hana. Í mars sama ár sagði stúlkan honum að hætta að senda sér skilaboð. Hann sagðist hafa gert það samstundis. Kíkti inn um glugga þegar hún var í sturtu Árið 2020 flutti stúlkan inn á heimili systur sinnar og mannsins á meðan hún gekk í framhaldsskóla. Hún segir áreitið þá hafa haldið áfram og að hann hafi oft komið inn í herbergi hennar á meðan hún var sofandi. Maðurinn viðurkenndi í skýrslutöku hjá lögreglu að hann hafi átt erfitt með hætta samskiptum við stúlkuna, þá sérstaklega eftir að hún flutti inn til hans og systur hennar. Hann hafi meðal annars átt það til að kíkja inn um gluggann á baðherberginu þegar stúlkan fór í sturtu og kíkt inn í herbergið hennar þegar hún svaf. Fjögur ár í fangelsi Stúlkan bjó til skjal í byrjun árs 2022 þar sem hún lýsti þessari reynslu sinni. Hún sendi skjalið til annarrar systur sinnar og saman sögðu þær hinni systurinni, sambúðarkonu ákærða, frá þessu. Fyrir dómi sagði sambúðarkonan að henni hafi brugðið við tíðindin og liðið ömurlega vegna þeirra. Hún vissi lítið um brotin þar sem hún vildi ekki vita meira en hún þegar vissi. Maðurinn var sakfelldur fyrir alla fjóra ákæruliði og dæmdur til fjögurra ára fangelsisvistar. Þá þarf maðurinn að greiða stúlkunni 2,5 milljónir króna í miskabætur og samtals 3,2 milljónir í sakarkostnað. Dóminn má lesa í heild sinni hér. Dómsmál Kynferðisofbeldi Ofbeldi gegn börnum Mest lesið Gera loftárásir á háhýsi og vara við yfirvofandi innrás Erlent Gefa grænt ljós á handtökur á grundvelli kynþáttar og málnotkunar Erlent Opinbera bréf Trumps til Epsteins Erlent Verið ættleiddur af Íslendingum Innlent Svona var kynning ríkisstjórnar á þingmálum vetrarins Innlent Reyksprengju kastað inn á pall í Hafnarfirði Innlent Kínversk ferðaskrifstofa fær ekki áheyrn hjá Hæstarétti Innlent Boða 157 mál á 157. löggjafaþingi og hér er það helsta Innlent Gagnrýnir hæstu ríkisútgjöld sögunnar í fjárlagafrumvarpi Innlent Alþjóðakerfinu ekki viðbjargandi og þörf á aðlögun Erlent Fleiri fréttir Mikill meirihluti hlynntur Hvammsvirkjun Ruddust inn til manns og mölbrutu í honum tennurnar Boða 157 mál á 157. löggjafaþingi og hér er það helsta Kínversk ferðaskrifstofa fær ekki áheyrn hjá Hæstarétti Gagnrýnir hæstu ríkisútgjöld sögunnar í fjárlagafrumvarpi Svona var kynning ríkisstjórnar á þingmálum vetrarins Reyksprengju kastað inn á pall í Hafnarfirði Verið ættleiddur af Íslendingum Fyrsti dagur Kvikmyndaskólans: „Það besta sem hefur gerst fyrir skólann síðan í apríl“ Hækka hámarksgreiðslur um hundrað þúsund krónur Uppfæra ekki fríverslunarsamning og banna tvo ráðherra Tveir fluttir til aðhlynningar eftir árekstur á Suðurlandsvegi Tekist á um fjárlög, lykkjumálið og aleigan í rafmynt Einn bílstjóri án leyfis og skráningar „Sultaról rithöfunda enn hert“ í fjárlögum Óásættanlegt að almennir starfsmenn séu beittir óeðlilegum þrýstingi Vill hækka skráningargjöldin í 100 þúsund krónur Skjálfti upp á 3,3 í Vatnafjöllum Afnemur æviskipanir varasaksóknara eftir mál Helga Magnúsar Gul úrkomuviðvörun á Austfjörðum og á Suðausturlandi Gestur Guðmundsson er látinn Breski sundkappinn kominn í land og lofsyngur Íslendinga Háskólinn hafi ekki breytt stefnu sinni um inntöku alþjóðlegra nema Hallar á karla í fjárlagafrumvarpi Féll af baki íslensks hests og fær engar skaðabætur Óttast verðhækkanir sem bitni á konum og barnafjölskyldum Ósáttur við skattana og hefði viljað loka fjárlagagatinu Fjórir af hverjum fimm vilja setja árlegt hámark á hælisleitendur Ólík sýn á nýja fjárlagafrumvarpið Bylgja Dís er látin Sjá meira
Maðurinn var ákærður í fjórum liðum. Tveir þeirra fjölluðu um þrjár nauðganir sem áttu sér stað á árunum 2016 til 2019 og hinir tveir um kynferðislega áreitni sem átti sér stað árin 2014 til 2021. Maðurinn játaði að hafa framið nokkur brot sem fjallað er um í ákæru en neitaði að hafa framið önnur. Var ellefu ára þegar hann bað fyrst um nektarmynd Stúlkan og maðurinn kynntust árið 2009 þegar hún var sex ára gömul. Hvergi kemur fram í dómnum hversu gamall eða á hvaða aldri maðurinn er. Stúlkan segir samskipti þeirra á samskiptaforritinu Snapchat hafa hafist árið 2014 þegar hún var ellefu ára gömul. Fór maðurinn þá að biðja hana um nektarmyndir og múta henni með snyrtivörum. Hún sagðist hafa sent honum myndir af sér á nærbuxunum fyrir framan spegil en samskipti þeirra á forritinu héldu síðan áfram í nokkur ár. Árið 2016, þegar hún var þrettán ára, átti fyrsta nauðgunin sér stað. Þá dvaldi stúlkan í fellihýsi ásamt systur sinni og manninum. Eftir að stúlkan fór að sofa kom maðurinn til hennar og byrjaði að „putta“ hana og káfa á henni. Kvaðst hún hafa frosið og ekki vitað hvað hún ætti að gera. Maðurinn neitaði að nauðgunin hafi átt sér stað. Lá grafkyrr með sængina yfir höfðinu Jólin árið eftir voru þau bæði heima hjá foreldrum stúlkunnar. Þá kom maðurinn inn til hennar, káfaði á henni og puttaði hana. Þá lagði hann hönd hennar á lim sinn á meðan hún lá grafkyrr með sængina yfir höfði sínu og þorði ekki að segja neitt. Viðurkenndi maðurinn verknaðinn en sagði fyrir dómi að stúlkan hafi skömmu áður sent honum skilaboð um að hún vildi að hann snerti sig næst þegar hann kæmi. Samskipti þeirra á Snapchat héldu áfram en maðurinn viðurkenndi að hafa byrjað að bera kynferðislegar tilfinningar til hennar. Hann sendi henni myndir af sér nöktum og myndskeið af sér fróa sér. Þá bað hann stúlkuna um að senda sér nektarmyndir en í staðinn keypti hann handa henni gjafir. Í febrúar 2019 gisti stúlkan hjá systur sinni og manninum. Hún svaf þá í sama rúmi og þau en systirin svaf á milli þeirra. Þá var skilrúm á milli þótt um hafi verið að ræða sama rúmið. Stúlkan vaknaði við það að maðurinn var að káfa á henni og að putta hana. Í mars sama ár sagði stúlkan honum að hætta að senda sér skilaboð. Hann sagðist hafa gert það samstundis. Kíkti inn um glugga þegar hún var í sturtu Árið 2020 flutti stúlkan inn á heimili systur sinnar og mannsins á meðan hún gekk í framhaldsskóla. Hún segir áreitið þá hafa haldið áfram og að hann hafi oft komið inn í herbergi hennar á meðan hún var sofandi. Maðurinn viðurkenndi í skýrslutöku hjá lögreglu að hann hafi átt erfitt með hætta samskiptum við stúlkuna, þá sérstaklega eftir að hún flutti inn til hans og systur hennar. Hann hafi meðal annars átt það til að kíkja inn um gluggann á baðherberginu þegar stúlkan fór í sturtu og kíkt inn í herbergið hennar þegar hún svaf. Fjögur ár í fangelsi Stúlkan bjó til skjal í byrjun árs 2022 þar sem hún lýsti þessari reynslu sinni. Hún sendi skjalið til annarrar systur sinnar og saman sögðu þær hinni systurinni, sambúðarkonu ákærða, frá þessu. Fyrir dómi sagði sambúðarkonan að henni hafi brugðið við tíðindin og liðið ömurlega vegna þeirra. Hún vissi lítið um brotin þar sem hún vildi ekki vita meira en hún þegar vissi. Maðurinn var sakfelldur fyrir alla fjóra ákæruliði og dæmdur til fjögurra ára fangelsisvistar. Þá þarf maðurinn að greiða stúlkunni 2,5 milljónir króna í miskabætur og samtals 3,2 milljónir í sakarkostnað. Dóminn má lesa í heild sinni hér.
Dómsmál Kynferðisofbeldi Ofbeldi gegn börnum Mest lesið Gera loftárásir á háhýsi og vara við yfirvofandi innrás Erlent Gefa grænt ljós á handtökur á grundvelli kynþáttar og málnotkunar Erlent Opinbera bréf Trumps til Epsteins Erlent Verið ættleiddur af Íslendingum Innlent Svona var kynning ríkisstjórnar á þingmálum vetrarins Innlent Reyksprengju kastað inn á pall í Hafnarfirði Innlent Kínversk ferðaskrifstofa fær ekki áheyrn hjá Hæstarétti Innlent Boða 157 mál á 157. löggjafaþingi og hér er það helsta Innlent Gagnrýnir hæstu ríkisútgjöld sögunnar í fjárlagafrumvarpi Innlent Alþjóðakerfinu ekki viðbjargandi og þörf á aðlögun Erlent Fleiri fréttir Mikill meirihluti hlynntur Hvammsvirkjun Ruddust inn til manns og mölbrutu í honum tennurnar Boða 157 mál á 157. löggjafaþingi og hér er það helsta Kínversk ferðaskrifstofa fær ekki áheyrn hjá Hæstarétti Gagnrýnir hæstu ríkisútgjöld sögunnar í fjárlagafrumvarpi Svona var kynning ríkisstjórnar á þingmálum vetrarins Reyksprengju kastað inn á pall í Hafnarfirði Verið ættleiddur af Íslendingum Fyrsti dagur Kvikmyndaskólans: „Það besta sem hefur gerst fyrir skólann síðan í apríl“ Hækka hámarksgreiðslur um hundrað þúsund krónur Uppfæra ekki fríverslunarsamning og banna tvo ráðherra Tveir fluttir til aðhlynningar eftir árekstur á Suðurlandsvegi Tekist á um fjárlög, lykkjumálið og aleigan í rafmynt Einn bílstjóri án leyfis og skráningar „Sultaról rithöfunda enn hert“ í fjárlögum Óásættanlegt að almennir starfsmenn séu beittir óeðlilegum þrýstingi Vill hækka skráningargjöldin í 100 þúsund krónur Skjálfti upp á 3,3 í Vatnafjöllum Afnemur æviskipanir varasaksóknara eftir mál Helga Magnúsar Gul úrkomuviðvörun á Austfjörðum og á Suðausturlandi Gestur Guðmundsson er látinn Breski sundkappinn kominn í land og lofsyngur Íslendinga Háskólinn hafi ekki breytt stefnu sinni um inntöku alþjóðlegra nema Hallar á karla í fjárlagafrumvarpi Féll af baki íslensks hests og fær engar skaðabætur Óttast verðhækkanir sem bitni á konum og barnafjölskyldum Ósáttur við skattana og hefði viljað loka fjárlagagatinu Fjórir af hverjum fimm vilja setja árlegt hámark á hælisleitendur Ólík sýn á nýja fjárlagafrumvarpið Bylgja Dís er látin Sjá meira