Enski boltinn

Gefur lítið fyrir gagnrýni Mersons á Sabitzer: „Bayern kaupir ekki aulabárða“

Ingvi Þór Sæmundsson skrifar
Tækifæri Marcels Sabitzer hjá Bayern München voru af skornum skammti.
Tækifæri Marcels Sabitzer hjá Bayern München voru af skornum skammti. epa/THOMAS VOELKER

Rio Ferdinand gefur lítið fyrir gagnrýni Pauls Merson á félagaskipti Marcels Sabitzer til Manchester United og segir að hún einkennist af vanþekkingu.

Eftir að ljóst var að Christian Eriksen yrði frá í um þrjá mánuði brást United hratt við og fékk Sabitzer á láni frá Bayern München á lokadegi félagaskiptagluggans í gær.

Sabitzer hefur verið notaður sparlega í vetur og aðeins spilað eina mínútu með Bayern eftir heimsmeistaramótið í Katar. Merson segir að United hafi gerst sekt um óðagotskaup og Sabitzer sé liðinu ekki samboðinn. Ferdinand er ekki á sama máli og er raunar hæstánægður með félagaskiptin.

„Ef ég væri að reyna að fá leikmann til skamms tíma fyrir Eriksen hefði ég fengið Sabitzer. Ég sá helling af leikjum með honum þegar hann var hjá RB Leipzig og hann var stórkostlegur,“ sagði Ferdinand.

„Ummæli Mersons lykta af því að hann hafi ekki séð hann spila. Hann veit hvernig á að spila fótbolta. Bayern kaupir ekki aulabárða. Hann er virkilega góður fótboltamaður. United hefði ekki getað gert betur.“

Sabitzer kom til Bayern frá Leipzig 2021. Hann hefur spilað 54 leiki fyrir Bæjara og skorað tvö mörk.

Enski boltinn

Tengdar fréttir

Tæklingin reyndist áfall fyrir Manchester United

Nú er orðið ljóst að danski miðjumaðurinn Christian Eriksen mun ekki spila með Manchester United næstu mánuðina en búist er við því að hann verði frá keppni fram í lok apríl eða byrjun maí vegna ökklameiðsla.

Mest lesið


Fleiri fréttir

Sjá meira


×

Mest lesið