Ozzy Osbourne hættur að túra í bili

Frá þessu greinir Ozzy sjálfur á Twitter-síðu sinni. Þessi fyrrverandi söngvari Black Sabbath segir ákvörðunina vera mjög erfiða en þar sem hann er enn að jafna sig eftir að hafa slasast á hryggjarsúlunni við fall fyrir fjórum árum síðan. 

Hann segir rödd sína vera í fínu lagi og en eftir þrjár aðgerðir, stofnfrumumeðferðir og fjölda klukkutíma hjá sjúkraþjálfara sé líkaminn hans búinn á því. Því þarf hann að hætta að túra, að minnsta kosti í bili.

„Aldrei hefði ég trúað því að tónleikaferðalagatímabil lífs míns myndu enda svona. Teymið mitt er að vinna í því að finna leiðir fyrir mig að stíga á svið án þess að ferðast á milli borga og landa,“ segir í tilkynningu Ozzy.