Forseta Íslands fagnað á NBA-leik í nótt

Guðni Th. er mikill íþróttaáhugamaður eins og við Íslendingar þekkjum vel.

Hann fór á NBA-leik Milwaukee Bucks og Boston Celtics í Milwaukee í nótt en þarna voru að mætast tvö af bestu liðum Austurdeildarinnar í dag.

Guðna Th. var vel fagnað þegar mynd af honum var sett upp á stóra skjáinn í höllinni. Hann var þarna með tveimur sonum sínum.

Bandaríkjamennirnir voru reyndar ekki alveg með nafn forseta Íslands á hreinu og þrátt fyrir að klikka ekki á eð-inu þá bættu þeir auka O við á eftir því.

Hér fyrir neðan má sjá móttökurnar sem Guðni Th. Jóhannesson fékk á leiknum.

Heimamenn í Milwaukee Bucks unnu leikinn 131-125 þar sem þeir Jrue Holiday (40 stig) og Giannis Antetokounmpo (36 stig, 13 fráköst, 9 stoðsendingar) skoruðu saman 76 stig.

Leikurinn var æsispennandi og endaði í framlengingu.