Nítján ára liða félaganna spila í UEFA Youth League eða UEFA keppni unglingaliða.
Úrslitin réðust í vítakeppni þar sem Dortmund nýtti allar fimm vítaspyrnur sínar en franska liðið klikkaði á sinni síðustu spyrnu.
Cole Campbell tók fjórðu spyrnu þýska liðsins og skoraði með góðu vinstri fótar skoti í bláhornið. Hann hafði komið inn á sem varamaður í uppbótatíma að því virtist til að taka vítaspyrnu í vítakeppninni.
Cole er sautján ára gamall og lék með FH og Breiðabliki áður en hann fór til Borussia Dortmund í júní í fyrra. Hann er því að spila upp fyrir sig með nítján ára liðinu.
Með sautján ára liði Dortmund hefur Cole skorað sex mörk og gefið fimm stoðsendingar í ellefu deildarleikjum í Vesturdeild Bundesligu U17 ára liða á þessu tímabili.
Cole náði að spila einn leik með FH og einn leik leik með Breiðabliki í Bestu deild karla í fyrrasumar áður en hann fór út til Þýskalands.
Dortmund mætir Hajduk Split í átta liða úrslitunum.
Hér fyrir neðan má sjá vítakeppnina.
Full penalty shootout from Borussia Dortmund U19 vs Paris Saint-Germain U19 in the UEFA Youth League Round of 16
— Football Report (@FootballReprt) February 28, 2023
BVB U19:
Faroukou Cissé (2004)
Julian Rijkhoff (2005)
Michel Ludwig (2004)
Cole Campbell (2006)
Samuel Bamba (2004)
PSG U19:
Younes El https://t.co/MTpDd4ivDL pic.twitter.com/JNFcGb4Gfq