Albert valinn besti leikmaður umferðarinnar

Albert átti frábæran leik þegar Genoa vann 4-0 sigur á Cosenza en liðið er sem stendur í öðru sæti ítölsku b-deildarinnar.

Albert skoraði eitt mark í leiknum og lagði upp tvö.

Albert lagði upp fyrsta marki Genoa sem Radu Dragusin skoraði með skalla eftir aukaspyrnu Alberts á 33. mínútu. Albert kom Genoa síðan í 2-0 með marki á 57. mínútu.

Albert var ekki hættur því ellefu mínútum fyrir leikslok þá lagði hann upp fjórða mark Genoa sem Filip Jagiello skoraði. Albert fékk í kjölfarið heiðursskiptingu.

Þessi leikur var áframhald á frábærri frammistöðu Alberts eftir að deildin fór á stað á ný eftir HM-fríið.

Albert hefur síðan spilað ellefu deildarleiki með Genoa, skoraði fimm mörk og lagt upp önnur þrjú. Hann hefur skorað þrjú mörk í síðustu fimm leikjum og Genoa hefur unnið alla sex deildarleikina á leiktíðinni þar sem hann hefur verið á skotskónum.