Albert og félagar styrktu stöðu sína í toppbaráttunni

Albert hóf leik í fremstu línu Genoa sem hóf leikinn af krafti og náði forystunni á 13.mínútu með marki frá króatíska miðjumanninum Milan Badelj.

Alberti var skipt af velli á 80.mínútu en ekki voru fleiri mörk skoruð í leiknum og mikilvæg þrjú stig í húsi hjá Genoa.

Genoa er í öðru sæti deildarinnar níu stigum á eftir toppliði Frosinone en tvö efstu lið deildarinnar fara beint upp í efstu deild og því mikilvægt að ná öðru sætinu en lið í sætum 3-8 fara í umspil um að komast upp.