Fótbolti

Meistararnir mis­stigu sig í Meistara­deildar­bar­áttunni

Hjörtur Leó Guðjónsson skrifar
Liðsmenn AC Milan þurftu að sætta sig við jafntefli gegn Salernitana í kvöld.
Liðsmenn AC Milan þurftu að sætta sig við jafntefli gegn Salernitana í kvöld. Marco Luzzani/Getty Images

Ítalíumeistarar AC Milan þurftu að sætta sig við 1-1 jafntefli er liðið tók á móti fallbaráttuliði Salernitana í kvöld.

Olivier Giroud kom heimamönnum í Milan yfir í uppbótartíma fyrri hálfleiks eftir stoðsendingu frá Ismael Bennacer og staðan var því 1-0 þegar flautað var til hálfleiks.

Boulaye Dia jafnaði þó metin fyrir gestina eftir klukkutíma leik og Salernitana hélt út það sem eftir lifði leiks.

Niðurstaðan varð því 1-1 jafntefli og AC Milan situr nú í fjórða sæti deildarinnar með 48 stig eftir 26 umferðir, einu stigi fyrir ofan Roma sem situr í fimmta sæti og heilum tuttugu stigum á eftir toppliði Napoli. Salernitana situr hins vegar í 16. sæti með 26 stig, sjö stigum fyrir ofan fallsvæðið.

Ítalski boltinn

Mest lesið


Fleiri fréttir

Sjá meira


×

Mest lesið