Stöð 2 Sport
Úrslitakeppni Subway-deildar kvenna hefst á viðureign Hauka og Vals klukkan 18:05 áður en nágrannaliðin Keflavík og Njarðvík eigast við klukkan 20:05. Keflavík tryggði sér deildarmeistaratitilinn á dögunum, en Njarðvíkingar eru ríkjandi Íslandsmeistarar.
Klukkan 22:00 er Körfuboltakvöld svo á dagskrá þar sem leikjum kvöldsins verða gerð góð skil.
Stöð 2 Sport 2
Lögmál leiksins er á sínum stað klukkan 20:00 þar sem sérfræðingar Stöðvar 2 Sports ræða um allt sem tengist NBA-deildinni í körfubolta.
Stöð 2 Sport 3
Ítalski boltinn fær sitt pláss á Stöð 2 Sport 3 þar sem Empoli tekur á móti Lecce klukkan 16:20 og Sassuolo fær Torino í heimsókn klukkan 18:35.
Stöð 2 eSport
Strákarnir í Gametíví verða á sínum stað með sinn vikulega þátt klukkan 20:00.
