Sport

Dagskráin í dag: Serie A, Mastersmótið og úrslitakeppnin í Subway-deild karla

Smári Jökull Jónsson skrifar
Hlynur Bæringsson og félagar í Stjörnunni komu á óvart í fyrstu umferðinni og unnu deildarmeistara Vals.
Hlynur Bæringsson og félagar í Stjörnunni komu á óvart í fyrstu umferðinni og unnu deildarmeistara Vals. Vísir/Bára Dröfn

Úrslitakeppni Subway-deildar karla í körfuknattleik heldur áfram í kvöld og verður að sjálfsögðu í beinni útsendingu á Stöð 2 Sport. Þá heldur Mastersmótið áfram auk þess sem ítalska deildin verður í fullum gangi.

Stöð 2 Sport

Klukkan 16:50 er komið að leik tvö í einvígi Vals og Stjörnunnar í 8-liða úrslitum Subway-deildarinnar. Stjarnan kom mörgum á óvart í fyrsta leik og vann þar góðan útisigur og gæti komið Valsmönnum í erfiða stöðu með sigri í dag.

19:05 hefst síðan bein útsending frá Suðurnesjaslag Grindavíkur og Njarðvíkur. Njarðvík vann nauman sigur í fyrsta leik og spurning hvort heimamenn í Grindavík nái að jafna metin.

Þættirnir Lengsta undirbúningstímabil í heimi hafa vakið töluverða athygli en þar heimsækir Baldur Sigurðsson nokkur félög úr Bestu deild karla og fylgist með undirbúningi liðanna fyrir Íslandsmótið.

Klukkan 21:20 verður sýnt frá því þegar Baldur heimsótti sína gömlu félaga í KR.

Stöð 2 Sport 2

Salernitana tekur á móti Inter í Serie A í dag en útsending frá leiknum hefst klukkan 14:50. Klukkan 16:55 verður síðan sýnt frá leik Lecce og toppliðs Napoli.

Við lokum síðan hringnum þegar Ítalíumeistarar AC Milan taka á móti Empoli klukkan 18:55.

Stöð 2 Sport 4

Mastersmótið í golfi er eitt af fjórum risamótum í golfi á ári hverju. Klukkan 19:00 hefst bein útsending frá degi tvö en mótið er spilað á Augusta vellinum í Georgíufylki.

Stöð 2 Esport

Sýnt verður frá þriðja degi degi BLAST.tv Paris Major frá morgni til kvölds en upphitun hefst klukkan 08.30 og útsendingu lýkur svo síðar um daginn.

Dagskráin í dag

Mest lesið


Fleiri fréttir

Sjá meira


×

Mest lesið