Íslenski boltinn

Einn Bestu deildarslagur í 32-liða úrslitum og Valur mætir 5. deildarliði

Valur Páll Eiríksson skrifar
Valsmenn mæta RB úr Reykjanesbæ.
Valsmenn mæta RB úr Reykjanesbæ. Vísir

Dregið var í 32-liða úrslit Mjólkurbikars karla í fótbolta í höfuðstöðvum KSÍ í hádeginu í dag. Einn Bestu deildarslagur er á dagskrá.

ÍBV heimsækir Stjörnuna í Garðabæinn í einu úrvalsdeildarbiðureigninni í 32-liða úrslitunum.

Eitt af tveimur fimmtu deildarliðum sem var í pottinum mun þá mæta úrvalsdeildarliði Vals og er þar mesta bilið á milli tveggja liða í deildarkeppninni. RB úr Reykjanæsbæ heimsækir Val á Hlíðarenda.

Kría er hitt fimmtu deildarliðið í pottinum en þeir hafa hins vegar ekki leikið í umferðinni á undan. Liðið mætir Lengjudeildarliði Fjölnis í kvöld og keppa þau um að mæta Íslandsmeisturum Breiðabliks.

Bikarmeistarar Víkings mæta Magna á heimavelli, KR fær Þrótt Vogum í heimsókn, Fylkir fer austur og mætir Sindra, KA mætir Uppsveitum úr 4. deild, Fram mætir Þrótti, HK tekst á við KFG og þá fær Keflavík nýfallið lið ÍA í heimsókn.

32-liða úrslit Mjólkurbikarsins

  • Grindavík – Dalvík/Reynir
  • HK – KFG
  • Víkingur R. – Magni
  • Kári – Þór A.
  • Sindri – Fylkir
  • KA – Uppsveitir
  • Fram – Þróttur R.
  • KR – Þróttur V.
  • Grótta – KH
  • Stjarnan – ÍBV
  • Keflavík – ÍA
  • Leiknir R. – Selfoss
  • Ægir – FH
  • Fjölnir eða Kría – Breiðablik
  • Valur – RB
Mjólkurbikar karla

Mest lesið


Fleiri fréttir

Sjá meira


×

Mest lesið