Skúrinn hefur göngu sína á Vísi – fyrsti flytjandinn kynntur til sögunnar

SS 12. apríl 2023 13:21

Gunnar Darri (t.v.) og Benedikt Gylfason skipa dúettinn Gunnar & Benedikt. Í fyrsta þætti Skúrsins flytja þeir nýja útgáfu af gamla góða SS pylsulaginu auk þess sem þeir flytja frumsamið lag.

Skúrinn hefur göngu sína á Vísi í dag en þar keppa sex flytjendur um bestu nýju útgáfuna af gamla góða SS pylsulaginu auk þess sem þeir flytja einnig frumsamið lag.

Í fyrstu sex þáttunum eru flytjendurnir kynntir til sögunnar og spilað brot úr útgáfu þeirra af SS pylsulaginu og frumsamda laginu. Í seinni umferð verða lokaútgáfur laganna kynntar og eftir síðasta þáttinn verður kosið um bestu nýju útgáfu SS pylsulagsins og um besta frumsamda lagið.

Í fyrsta þætti Skúrsins verður dúettinn Gunnar & Benedikt kynntur til sögunnar en hann skipa þeir Benedikt Gylfason og Gunnar Darri.

Klippa: Skúrinn - Leitin að bestu nýju útgáfunni af SS pylsulaginu. Fyrsti þáttur.

„Við kynntumst í Stúdíó Sýrlandi þar sem við vorum báðir í hljóðtækninámi,“ segir Gunnar. „Við byrjuðum að búa til tónlist saman með öðrum félaga mínum sem var einnig í náminu og höfum verið að leika okkur síðustu mánuði að semja tónlist saman.“ Frumsanda lagið þeirra ber heitið Dansa til að gleyma þér.

Hugmyndavinnan að nýja SS pylsulaginu var skemmtileg að sögn Benedikts. „Við byrjuðum á því að hlusta á upphaflega lagið og reyndum að greina hljómana í laginu til að byggja ofan á. Síðan reyndum að koma með grunntakt og settum svo hljóma yfir. Næst prófuðum við alls kyns hljóðfæri, sum þeirra rötuðu inn í loka útgáfuna og önnur ekki.“

Næstu daga verða fleiri keppendur kynntir til sögunnar.

Að loknum sjötta þætti seinni umferðar munu lesendur Vísis og dómnefnd velja besta nýja SS pylsulagið. Sigurvegarinn hlýtur að launum tvær milljónir króna, annað sætið hlýtur eina milljón og þriðja sætið fimm hundruð þúsund. Til viðbótar hljóta höfundar besta frumsamda lagsins eina milljón króna.

Skúrinn Tónlist