Heiðraður í nótt en mátti þola tap í kjöl­farið

Ein­vígi Boston Celtics og Phila­delphia 76ers stóð jafnt, 1-1, fyrir leik næturinnar.

Joel Embi­id, leik­maður Phila­delphia 76ers var heiðraður fyrir leik en hann hlaut nafn­bótina verð­mætasti leik­maður yfir­standandi tíma­bils í NBA deildinni.

Leik­menn Boston Celtics voru hins vegar ekki á því að heiðra Emi­id eitt­hvað sér­stak­lega í kjöl­far at­hafnarinnar.

Téður Embi­id endaði á því að vera stiga- og frá­kasta­hæsti leik­maður leiksins en það voru leik­menn Boston sem stóðu uppi sem sigur­vegarar.

Jay­son Tatum var stiga- og frá­kasta­hæstur í liði Boston með 27 stig og 10 frá­köst.

Svo fór að Boston Celtics skoraði 114 stig á móti 102 stigum 76ers og leiðir því ein­vígið nú, 2-1.

Í Foot­print Center leik­vanginum í Phoenix tóku heima­menn á móti Den­ver Nug­gets en fyrir leik næturinnar var lið Denver Nuggets með 2-0 forystu.

Það héldu Devin Booker, leik­manni Pheonix Suns, engin bönd í nótt. Hann setti niður 47 stig, gaf 9 stoð­sendingar og reif niður 6 frá­köst.

Að sama skapi setti Kevin Durant niður 39 stig, gaf 8 stoð­sendingar og tók 9 frá­köst.

Leik liðanna í nótt lauk með 121-114 sigri Pheonix sem er þar með tókst að minnka muninn í einvíginu.