Meira en 200 milljón króna sekt fyrir stórfelld skattsvik Kjartan Kjartansson skrifar 13. maí 2023 14:56 Valdimar þarf að greiða rúmlega 222 milljóna króna sekt eða sitja inni í 360 daga. Vísir/Vilhelm Eigandi félags sem átti veitingastaðinn Primo í Reykjavík var dæmdur í tuttugu mánaða skilorðsbundið fangelsi og til þess að greiða meira en 220 milljónir króna í sekt fyrir stórfelld skattalagabrot í vikunni. Félagið Harrow House, í eigu Valdimars Jónssonar, rak ítalska veitingastaðinn Primo á horni Þingholtsstrætis og Bankastrætis frá 2015 eftir að þeir Jón Ragnarsson, faðir hans, vísuðu eigendum veitingastaðarins Caruso úr húsnæðinu með nokkrum látum árið áður. Harrow House var tekið til gjaldþrotaskipta árið 2020. Rannsókn á stórfelldum skattalagabrotum Valdimars í tengslum við reksturinn hófst eftir að skattrannsóknarstjóri ríkisins vísaði málinu til héraðssaksóknara árið 2021. Valdimar var ákærður fyrir meiriháttar brot gegn skatta- og bókhaldslögum og að standa ekki skil á virðisaukaskatti og staðgreiðslu á réttum tíma í fyrra. Dómur féll í máli hans í Héraðsdómi Reykjavíkur á mánudag. Auk skilorðsbundins fangelsisdómsins þarf hann að greiða rúmar 222 milljónir króna í sekt til ríkissjóðs eða sæta fangelsi í 360 daga. Hélt því fram að staðurinn greiddi fyrir sérleyfi Valdimar var meðal annars sakfelldur fyrir að skila efnislega röngu skattframtali fyrir hönd félagsins fyrir árin 2016 og 2017. Það gerði hann með því að offramtelja rekstrargjöld félagsins um tæpar 83,5 milljónir króna. Hann hélt því fram að hann ætti sérleyfi fyrir veitingastaðinn sem annað félag í hans eigu sæi um. Eignarhaldsfélag veitingastaðarins greiddi fyrir sérleyfið. Valdimar sagði fyrir dómi að samningur um sérleyfið væri til en að hann hefði ekki tök á að leggja hann fram. Skýringar hans voru taldar ótrúverðugar og þeim hafnað. Ekki væri annað séð af gögnum sem lágu fyrir að Valdirmar hefði hagnast persónulega á gjörningunum og að með þeim hefði hann fært fjármuni frá félaginu til sín persónulega. Ekkert studdi að hann hefði greitt reikninga fyrir félagið Þá var hann sakfelldur fyrir rangfæra bókhald Harrow House með því að offramtelja rekstrargjöld í bókhaldi og skattskilum um samtals 134,2 milljónir króna með gjaldfærslu sölureikninga sem áttu ekki við rök að styðjast annars vegar og hins vegar með því að lækka eigin skuld samkvæmt viðskiptamannareikningi hans í bókhaldi félagsins án þess að fyrir því væri tilefni. Sölureikningarnir voru vegna tveggja sérleyfisgreiðslna, þeirrar sem Valdimar var sakfelldur fyrir að offramtelja sem rekstrargjöld félagsins og 50,7 milljóna króna reiknings sem var færður í bókhaldið. Valdimar sagði bókhaldsstofu sem sá um bókhald félagsins að hann hefði greitt reikningana og voru þeir skuldajafnaðir við skulda hans á viðskiptamannareikningi hjá félaginu. Ekkert var þó talið hafa komið fram sem benti til þess að hann hefði greitt reikninga Harrow House við félagið sem átti að halda utan um sérleyfið. Með því var hann talinn hafa rangfært bókhald félagsins og lækkað skuld sína við félagið sem því nam. Hann hafi ekki gefið trúverðugar skýringar á hvers vegna það var gert. Úttektir fyrir tannlæknakostnaði og veitingahúsaferðir Einnig var Valdirmar sakfelldur fyrir að skila efnislega röngum skattframtölum frá 2016 til 2019 með því að telja ekki fram úttektir upp á tæpar 139 milljónir króna hjá Harrow House. Þannig hafi hann komist undan því að greiða skatt af fénu. Hann bar því við að hann hefði skilað inn skattframtölum fyrir sjálfan sig í erlendu ríki þar sem hann hefði búið frá 2003. Í dómnum kemur fram að ekkert hafi verið lagt fram í málinu sem styddi það. Saksóknari taldi úttektirnar skuld Valdimars samkvæmt viðskiðptamannareikningi hans hjá félaginu. Skuldin hafi verið gefin upp í framtölum félagsins en ekki í persónulegum framtölum Valdimars. Í mörgum tilvikum voru úttektir Valdimars á fé félagsins millifærslur til hans sjálfs eða tengdra einstaklinga og úttektir úr hraðbönkum. Sumar færslurnar hafi augljóslega verið persónuleg útgjöld hans, til dæmis greiðsla til tannlæknastofa og til annarra veitingastaða og bara. Dómsmál Skattar og tollar Veitingastaðir Efnahagsbrot Mest lesið Föst í Portúgal: „Siðlaust“ að fljúga vélunum út í morgun Innlent Bílstjórinn þrettán ára Innlent Lítur svo á að hann njóti ekki trausts og hefur beðist lausnar Innlent Sjokk, stress og særindi í Leifsstöð Innlent Tilkynnt um dróna yfir Keflavíkurflugvelli Innlent Ekki erfitt að vera föst í 25 gráðum en ástæðan sorgleg Innlent Orrustuþotur yfir Borgundarhólmi og drónar trufla flug í Noregi Erlent Fyrrverandi landgönguliði drap að minnsta kosti fjóra í Michigan Erlent „Óvænt og líka mjög leiðinlegt“ Innlent Þriggja ára fangelsi: Tók ekki mark á lygilegri frásögn Innlent Fleiri fréttir Fall Play frá öllum hliðum Tilkynnt um dróna yfir Keflavíkurflugvelli Þriggja ára fangelsi: Tók ekki mark á lygilegri frásögn Neyðast til að millilenda, tapaður peningur og rándýr flug heim Lítur svo á að hann njóti ekki trausts og hefur beðist lausnar Banaslys á Skagavegi 2024: Drukknaði eftir að hafa misst stjórn í beygju Sjokk, stress og særindi í Leifsstöð Bein útsending: Lýðheilsuvísar 2025 kynntir Ekki erfitt að vera föst í 25 gráðum en ástæðan sorgleg „Óvænt og líka mjög leiðinlegt“ Play hættir að fljúga, hundruð missa vinnuna og strandaglópar í Leifsstöð Föst í Portúgal: „Siðlaust“ að fljúga vélunum út í morgun Fara yfir stöðuna vegna Play og skipuleggja sig Bílstjórinn þrettán ára Vísað burtu af hóteli og svo handtekinn í sameign 29 prósent heimila skipuð einstæðingum: „Meðvituð ákvörðun til að njóta frelsis“ Aldrei neinn afsláttur gefinn í flugprófunum Allt niður í þriggja mánaða fiðluleikara „Virðist bitna á saklausum ferðamönnum“ „Ákveðinn miski“ að geta ekki treyst vatninu Flúði próflaus undan lögreglu með einum of marga farþega þegar bíllinn valt Umfangsmiklar árásir og símengað neysluvatn Báturinn áður sokkið í sömu höfn og án skýringar Drukkinn ökumaður keyrði á þrjá bíla og reyndi að stinga af Um 200 nemendur eru í lögreglunámi á Akureyri Skora á Snorra að gefa kost á sér Bíll valt eftir flótta undan lögreglu og þrír slösuðust Reiknað með afskiptum af öllum samkomum Vítisengla Lögreglan með málið til rannsóknar Áframhaldandi aðgerðir gegn Vítisenglum Sjá meira
Félagið Harrow House, í eigu Valdimars Jónssonar, rak ítalska veitingastaðinn Primo á horni Þingholtsstrætis og Bankastrætis frá 2015 eftir að þeir Jón Ragnarsson, faðir hans, vísuðu eigendum veitingastaðarins Caruso úr húsnæðinu með nokkrum látum árið áður. Harrow House var tekið til gjaldþrotaskipta árið 2020. Rannsókn á stórfelldum skattalagabrotum Valdimars í tengslum við reksturinn hófst eftir að skattrannsóknarstjóri ríkisins vísaði málinu til héraðssaksóknara árið 2021. Valdimar var ákærður fyrir meiriháttar brot gegn skatta- og bókhaldslögum og að standa ekki skil á virðisaukaskatti og staðgreiðslu á réttum tíma í fyrra. Dómur féll í máli hans í Héraðsdómi Reykjavíkur á mánudag. Auk skilorðsbundins fangelsisdómsins þarf hann að greiða rúmar 222 milljónir króna í sekt til ríkissjóðs eða sæta fangelsi í 360 daga. Hélt því fram að staðurinn greiddi fyrir sérleyfi Valdimar var meðal annars sakfelldur fyrir að skila efnislega röngu skattframtali fyrir hönd félagsins fyrir árin 2016 og 2017. Það gerði hann með því að offramtelja rekstrargjöld félagsins um tæpar 83,5 milljónir króna. Hann hélt því fram að hann ætti sérleyfi fyrir veitingastaðinn sem annað félag í hans eigu sæi um. Eignarhaldsfélag veitingastaðarins greiddi fyrir sérleyfið. Valdimar sagði fyrir dómi að samningur um sérleyfið væri til en að hann hefði ekki tök á að leggja hann fram. Skýringar hans voru taldar ótrúverðugar og þeim hafnað. Ekki væri annað séð af gögnum sem lágu fyrir að Valdirmar hefði hagnast persónulega á gjörningunum og að með þeim hefði hann fært fjármuni frá félaginu til sín persónulega. Ekkert studdi að hann hefði greitt reikninga fyrir félagið Þá var hann sakfelldur fyrir rangfæra bókhald Harrow House með því að offramtelja rekstrargjöld í bókhaldi og skattskilum um samtals 134,2 milljónir króna með gjaldfærslu sölureikninga sem áttu ekki við rök að styðjast annars vegar og hins vegar með því að lækka eigin skuld samkvæmt viðskiptamannareikningi hans í bókhaldi félagsins án þess að fyrir því væri tilefni. Sölureikningarnir voru vegna tveggja sérleyfisgreiðslna, þeirrar sem Valdimar var sakfelldur fyrir að offramtelja sem rekstrargjöld félagsins og 50,7 milljóna króna reiknings sem var færður í bókhaldið. Valdimar sagði bókhaldsstofu sem sá um bókhald félagsins að hann hefði greitt reikningana og voru þeir skuldajafnaðir við skulda hans á viðskiptamannareikningi hjá félaginu. Ekkert var þó talið hafa komið fram sem benti til þess að hann hefði greitt reikninga Harrow House við félagið sem átti að halda utan um sérleyfið. Með því var hann talinn hafa rangfært bókhald félagsins og lækkað skuld sína við félagið sem því nam. Hann hafi ekki gefið trúverðugar skýringar á hvers vegna það var gert. Úttektir fyrir tannlæknakostnaði og veitingahúsaferðir Einnig var Valdirmar sakfelldur fyrir að skila efnislega röngum skattframtölum frá 2016 til 2019 með því að telja ekki fram úttektir upp á tæpar 139 milljónir króna hjá Harrow House. Þannig hafi hann komist undan því að greiða skatt af fénu. Hann bar því við að hann hefði skilað inn skattframtölum fyrir sjálfan sig í erlendu ríki þar sem hann hefði búið frá 2003. Í dómnum kemur fram að ekkert hafi verið lagt fram í málinu sem styddi það. Saksóknari taldi úttektirnar skuld Valdimars samkvæmt viðskiðptamannareikningi hans hjá félaginu. Skuldin hafi verið gefin upp í framtölum félagsins en ekki í persónulegum framtölum Valdimars. Í mörgum tilvikum voru úttektir Valdimars á fé félagsins millifærslur til hans sjálfs eða tengdra einstaklinga og úttektir úr hraðbönkum. Sumar færslurnar hafi augljóslega verið persónuleg útgjöld hans, til dæmis greiðsla til tannlæknastofa og til annarra veitingastaða og bara.
Dómsmál Skattar og tollar Veitingastaðir Efnahagsbrot Mest lesið Föst í Portúgal: „Siðlaust“ að fljúga vélunum út í morgun Innlent Bílstjórinn þrettán ára Innlent Lítur svo á að hann njóti ekki trausts og hefur beðist lausnar Innlent Sjokk, stress og særindi í Leifsstöð Innlent Tilkynnt um dróna yfir Keflavíkurflugvelli Innlent Ekki erfitt að vera föst í 25 gráðum en ástæðan sorgleg Innlent Orrustuþotur yfir Borgundarhólmi og drónar trufla flug í Noregi Erlent Fyrrverandi landgönguliði drap að minnsta kosti fjóra í Michigan Erlent „Óvænt og líka mjög leiðinlegt“ Innlent Þriggja ára fangelsi: Tók ekki mark á lygilegri frásögn Innlent Fleiri fréttir Fall Play frá öllum hliðum Tilkynnt um dróna yfir Keflavíkurflugvelli Þriggja ára fangelsi: Tók ekki mark á lygilegri frásögn Neyðast til að millilenda, tapaður peningur og rándýr flug heim Lítur svo á að hann njóti ekki trausts og hefur beðist lausnar Banaslys á Skagavegi 2024: Drukknaði eftir að hafa misst stjórn í beygju Sjokk, stress og særindi í Leifsstöð Bein útsending: Lýðheilsuvísar 2025 kynntir Ekki erfitt að vera föst í 25 gráðum en ástæðan sorgleg „Óvænt og líka mjög leiðinlegt“ Play hættir að fljúga, hundruð missa vinnuna og strandaglópar í Leifsstöð Föst í Portúgal: „Siðlaust“ að fljúga vélunum út í morgun Fara yfir stöðuna vegna Play og skipuleggja sig Bílstjórinn þrettán ára Vísað burtu af hóteli og svo handtekinn í sameign 29 prósent heimila skipuð einstæðingum: „Meðvituð ákvörðun til að njóta frelsis“ Aldrei neinn afsláttur gefinn í flugprófunum Allt niður í þriggja mánaða fiðluleikara „Virðist bitna á saklausum ferðamönnum“ „Ákveðinn miski“ að geta ekki treyst vatninu Flúði próflaus undan lögreglu með einum of marga farþega þegar bíllinn valt Umfangsmiklar árásir og símengað neysluvatn Báturinn áður sokkið í sömu höfn og án skýringar Drukkinn ökumaður keyrði á þrjá bíla og reyndi að stinga af Um 200 nemendur eru í lögreglunámi á Akureyri Skora á Snorra að gefa kost á sér Bíll valt eftir flótta undan lögreglu og þrír slösuðust Reiknað með afskiptum af öllum samkomum Vítisengla Lögreglan með málið til rannsóknar Áframhaldandi aðgerðir gegn Vítisenglum Sjá meira