Hver vinnur keppnina um bestu nýju út­gáfuna af SS pylsu­laginu?

Sex flytjendur keppa í úrslitum um bestu nýju útgáfuna auk þess sem kosið er um besta frumsamda lagið. Lesendur Vísis hafa kynnst keppendunum sex í þættinum Skúrinn á Vísi undanfarnar vikur.

Hér getur þú hlustað á lögin og kosið.

Kosningu lýkur á miðnætti föstudaginn 26. maí en lesendur Vísis og þriggja manna dómnefnd mun velja þrjú SS pylsulög áfram og besta frumsamda lagið. Þriðjudaginn 30. maí verður tilkynnt hvaða þrjú SS pylsulög halda áfram keppni og hvaða frumsamda lag bar sigur úr býtum.

Dómnefndin er skipuð Sölku Valsdóttur tónlistarkonu, Árna Beinteini Árnasyni leikara og Hafþóri Úlfarssyni, deildarstjóra í markaðsdeild SS. Hafþóri líst vel á lögin sex sem keppa til úrslita. 

Þetta eru skemmtilega ólík lög og hafa öll sinn sjarma. En auðvitað á maður sín uppáhalds lög. Ég held að nánast allir landsmenn kunni SS pylsulagið og ég vænti þess að verðandi sigurlag taki þátt í að viðhalda því.

Um 130 lög bárust í keppnina og átti dómnefnd því erfitt verk fyrir höndum. „Ég vissi ekki alveg við hverju átti að búast og hafði vissulega smá áhyggjur af því að enginn myndi taka þátt. Þannig að þessi góða þátttaka kom mér skemmtilega á óvart og um leið hversu mörg góð lög voru send í keppnina. Það er greinilega mikið af hæfileikaríku ungu tónlistarfólki á Íslandi. Þar sem við settum ekki miklar skorður á hvernig nýja útgáfan ætti að hljóma voru lögin mjög fjölbreytt og mörg hver mjög fyndin og skemmtileg.“

Eins og fyrr segir verður tilkynnt 30. maí hvaða þrjú SS pylsulög halda áfram keppni og hvaða frumsamda lag ber sigur úr býtum. „Þessi þrjú SS pylsulög verða síðan spiluð í útvarpi og sjónvarpi í sumar. Kosningin verður í gangi í sumar og í ágúst verður svo tilkynnt hver stendur uppi sem sigurvegari í keppninni um bestu nýju útgáfuna af SS pylsulaginu.“

Skúrinn er í samstarfi við SS.