Eldsteikt folald með krömdum sveita-jarðeplum

Aníta Guðlaug Axelsdóttir skrifar 7. júní 2023 08:39

Ívar Örn Hansen er Helvítis kokkurinn sem ætlar að kenna ykkur að elda bragðgóðan mat á mannamáli á Vísi og á Stöð 2+. Matreiðsluþátturinn er fyrir þá sem vilja ekkert kjaftæði, bara elda bragðgóðan mat og munu þeir koma inn vikulega. Í þetta skiptið er það eldsteikt folald með krömdum sveita-jarðeplum og gráðostasósu.

Klippa: Helvítis kokkurinn - Eldsteikt folald með krömdum sveita-jarðeplum

Eldsteikt folald með krömdum sveita-jarðeplum og gráðostasósu

Uppskrift fyrir 4-6 manns

Marinering fyrir kjöt:

150 ml olía
1 heill rauður chili
1 safi lime
1 þumall engifer
½ búnt steinselja
2 msk dijon
5 hvítlauksrif
2 msk hunang
½ búnt graslaukur
1 shallot laukur
2 msk sesamfræ

Til steikingar:

2 heilar folaldalundir
2 msk olía
1 msk smjör
Salt
Pipar

Kramdar sveitakartöflur:

600 gr soðnar kartöflur kramdar
2 hvítlauksrif
1 shallot laukur saxaður
6 sneiðar saxað beikon
Svartur pipar
2 msk smjör

Gráðostasósa:

750 ml nautasoð
250 ml rjómi
⅔ af heilum gráðosti
1 laukur
100 gr rjómaostur
Svartur pipar
1 msk smjör
2 -3 msk hveiti

Aðferð:

Setjið hráefni fyrir marineringu í skál og blandið vel með töfrasprota. Skerið kjötið í steikur og hellið marineringu yfir og hvílið við stofuhita í 1 klukkustund.
Sjóðið kartöflur í saltvatni í 10 mínútur, hellið vatninu af og látið kartöflurnar standa í pottinum á meðan þú lagar sósuna. Skerið niður beikon og steikið í potti ásamt olíu, lauk og hvítlauk. Setjið kartöflurnar út í og steikið saman í um 10 mínútur.
Skerið niður lauk og setjið í pott ásamt olíu og hitið í 3-4 mínútur. Blandið saman við hveitið og hellið síðan kjötsoði út í pott. Sjóðið í 5 mínútur. Bætið út í gráðosti, rjóma, rjómaosti og svörtum pipar og sjóðið í 10-15 mínútur.
Grillið kjöt á pönnu í um 7-8 mínútur á hvorri hlið og munið að nota salt og pipar. Hvílið kjöt í allavega 10 mínútur áður en borðað er.

Ívar Örn Hansen er Helvítis kokkurinn sem kennir ykkur að elda bragðgóðan mat á mannamáli á Vísi og á Stöð 2+. Matreiðsluþátturinn er fyrir þá sem vilja ekkert kjaftæði, bara elda bragðgóðan mat og koma þeir inn vikulega.

Hægt er að sjá alla þættina hér á Vísi.

Helvítis kokkurinn Matur Sósur Uppskriftir

Tengdar fréttir

Tuddi með hvítlauks- og eldpiparmæjó

Ívar Örn Hansen er Helvítis kokkurinn sem ætlar að kenna ykkur að elda bragðgóðan mat á mannamáli á Vísi og á Stöð 2+. Matreiðsluþátturinn er fyrir þá sem vilja ekkert kjaftæði, bara elda bragðgóðan mat og munu þeir koma inn vikulega. Í þetta skiptið er það pönnusteikt nautalund með hvítlauks- og eldpiparmæjó, getur ekki klikkað!

24. maí 2023 07:00

Grillaðar kótilettur með guðdómlegri sultu

Ívar Örn Hansen er Helvítis kokkurinn sem ætlar að kenna ykkur að elda bragðgóðan mat á mannamáli á Vísi og á Stöð 2+. Matreiðsluþátturinn er fyrir þá sem vilja ekkert kjaftæði, bara elda bragðgóðan mat og munu þeir koma inn vikulega. Í þetta skiptið er það gamli skólinn á nýja mátann, hér eru kótilettur með brennivíns-beikon sultu, kartöflum og gulrótum í hvítlaukssmjöri.

17. maí 2023 09:00

Helvítis kokkurinn: Helvítis snakkfiskrétturinn

Ívar Örn Hansen eða Helvítis kokkurinn eins og hann er betur þekktur, heldur áfram að kenna okkur á lífið í eldhúsinu, nú er það helvítis snakkfiskréttinn með basmati hrísgrjónum. Einfaldur en bragðgóður kvöldverður sem svíkur engan.

3. maí 2023 07:01

Helvítis kokkurinn: Babyback rif með Bola-BBQ sósu

Helvítis kokkurinn snýr aftur með sjóðheita þáttaröð af gómsætum réttum. Í þessum fyrsta þætti matreiðir Ívar Örn Babyback rif með Bola-BBQ sósu, hrásalati og grilluðum maís.

19. apríl 2023 13:34