Leik­bönn Ís­­lendinganna standa: Fé­lögunum gert að greiða hálfa milljón

Báðir hafa þeir því fengið há­mark gulra spjalda og þurfa því að taka út leik­bann.

Þetta þýðir að Sæ­var Atli, sem hefur verið í lykil­hlut­verki hjá Lyng­by, verður í leik­banni þegar að Ís­lendinga­liðið sem spilar undir stjórn Freys Alexanders­sonar og háir nú harða fall­bar­áttu mætir OB um komandi helgi.

For­ráða­­menn Lyng­by töldu sig hafa sterk rök á bak við sig þegar að þeir á­kváðu að á­frýja gula spjaldinu sem Sæ­var Atli fékk í leiknum gegn Sil­ke­­borg.

Að mati Lyng­by var um klára snertingu að ræða mill Sæ­vars og Tobias Salqvist, leik­­manns Sil­ke­­borg, þegar að Ís­­lendingurinn féll til jarðar og fékk gult spjald fyrir leikara­skap.

Þessu er danska knatt­­spyrnu­­sam­bandið ekki sam­­mála og stendur dómari leiksins fastur á þeirri skoðun sinni að hátt­­semi Sæ­vars Atla hafi verð­skuldað gult spjald.

Og það er ekki nóg með að á­frýjun Lyng­by hafi verið hafnað heldur mun fé­lagið einnig þurfa að greiða 25 þúsund danskar krónur, því sem jafn­­gildir rúmum 500 þúsund ís­­lenskum krónum, þar sem það hefur ekki aðild að aga­dóm­stóli danska knatt­spyrnu­sam­bandsins.

Þegar að þrjár um­­­­­ferðir eru eftir af dönsku úr­­­vals­­­deildinni situr Lyng­by í neðsta sæti dönsku úr­­­vals­­­deildarinnar með 24 stig, þremur stigum frá öruggu sæti.

Þá eru tveir af þeim þremur leikjum sem liðið á eftir gegn liðunum sem eru einnig í fall­bar­áttunni, Á­la­­­borg og Hor­­­sens.

Sömu sögu að segja með Hákon Arnar

Að sama skapi verður gula spjaldið, sem Hákon Arnar fékk fyrir hátt­semi sína á vara­manna­bekk FC Kaup­manna­hafnar gegn Brönd­by á dögunum, ekki dregið til baka.

Hákon Arnar er sagður hafa hlaupið um 25 metra frá vara­manna­bekk FC Kaup­manna­hafnar í leiknum til þess að hafa á­hrif á gang mála.

Sem betur fer fyrir Hákon Arnar varð gula spjaldið hans gegn Bröndy ekki til þess að hann tók út leikbannið í úrslitaleik gærdagsins þegar að FC Kaupmannahöfn varð danskur bikarmeistari með sigri á AaB.

Hákon Arnar verður hins vegar í banni þegar að FC Kaup­manna­höfn mætir AGF á Parken á sunnu­daginn. Þá mun FC Kaup­manna­höfn, líkt og Lyng­by, þurfa að greiða því sem nemur rúmri hálfri milljón ís­lenskra króna.