Launahæsta lukkudýrið fær að sýna sig í lokaúrslitum NBA

Rocky the Mountain Lion eða Steini fjallaljón er reyndar þegar búinn að skapa sér nokkra sérstöðu í NBA.

Rocky hefur það nefnilega ansi gott. Hann fær betur borgað en öll hin lukkudýr deildarinnar.

Fjallaljónið bíður upp á alls kona fimleika og áhættuatriði í hverjum leik og keyrir upp stemmninguna á leikjum Denver Nuggets.

Fyrir það fær hann 625 þúsund dollara á ári sem eru 87,4 milljónir íslenskra króna eða meira en sjö milljónir í mánaðarlaun.

Rocky kom fyrst fram á sjónarsviðið árið 1990 og eins og aðrir hjá Denver Nuggets var hann búinn að bíða lengi eftir því að félagið kæmist í úrslitaeinvígið um titilinn.

Það tókst í ár ekki síst fyrir frábæra frammistöðu Serbans Nikola Jokic. Fyrsti leikur lokaúrslitanna er annað kvöld og að sjálfsögðu í beinni á Stöð 2 Sport 2.