Celtic gull­tryggði sér skosku þrennuna

Liðið er nú handhafi þriggja stærstu titla Skotlands og er þetta í áttunda sinn í sögunni sem félaginu tekst að ná þeim áfanga. 

Kyogo Furuhashi kom Celtic yfir í leik dagsins með marki á 38. mínútu og reyndist það eina mark fyrri hálfleiksins. 

Liel Abada tvöfaldaði síðan forystu Celtic með marki á 65. mínútu eftir stoðsendingu frá Callum McGregor. 

Leikmenn Inverness náðu hins vegar að kveikja vonarneista með marki á 84. mínútu og staðan orðin 2-1 þegar aðeins nokkrar mínútur eftir lifðu leiks. 

Þegar komið var í uppbótatíma venjulegs leiktíma náði Portúgalinn Jota hins vegar að gulltryggja sigur Celtic með marki eftir stoðsendingu frá Liel Abada. 

Celtic þar með orðið skoskur bikarmeistari enn einu sinni.