Sara Björk er ítalskur bikarmeistari

Það voru Juventus og Roma sem mættust í úrslitaleik ítalska bikarsins í dag. 

Sara Björk var í byrjunarliði Juventus í leiknum og hún spilaði allan leikinn.

Eina mark leiksins, markið sem tryggði Juventus bikarmeistaratitilinn, lét bíða eftir sér því það var ekki fyrr en á annarri mínútu uppbótatíma venjulegs leiktíma sem Barbara Bonansea tryggði Juventus titilinn eftirsótta. 

Enn ein rósin í hnappagatið hjá Söru Björk á mögnuðum knattspyrnuferli hennar til þessa.